Shillong: Ka jing iakhih pyrshah ha ka jylla Assam ka la sdang jai jai bad ka sorkar Assam ka la kham pynduna ia ka korphiw naduh 9 baje mynmiet haduh 6 baje mynstep.
Naduh ba sdang ka jing iakhih pyrshah ia ka Citizenship Amendment Bill (CAB) ka sorkar Assam ka lah kem haduh 190 ngut bad lah pynngat haduh 136 tylli ki mukot duma pyrshah ia ki nong iakhih hapoh ka jylla Assam.
U myntri ka pla pisa jong ka jylla Assam u Himanta Biswa Sarma u la ong ba ki pulit ki la ai mukotduma don haduh 136 bad ki pulit ki lah kem haduh 190 ngut ki briew na kylleng ka jylla ha ka ba dei bad ka jing pynjulor ia ki jing don jing em bad kiwei de ha ka por ba iakhih ha ka jylla Assam. U myntri u la ong ruh ba ka sorkar ka lah ban thung da ka Special Invstigation team (SIT) ban wad bniah halor ka jing mih ka jing huri hura hapoh ka jylla Assam baroh kawei.
Kumba shu pynkynmaw ka jing iakhih pyrshah ia ka CAB ka lah sdng naduh 9 tarik nohprah bad ha ka jylla Assm lah don 4 ngut ki ba la duh ei ia la ka jingim na ka jing mynsaw ha ka por ba iakhih.
Phi don ban ong eiei?