Kdup ieid U Hrithik Roshan, ia u snar phutbol na Shillong

Shillong, 12 Naitung:
Hynnin ka sngi, la pdiang sngewbha ia u samla ialehkai ba khraw jong ka India, U Eugene son Lyngdoh, uba dei na Shillong, da u trai jong ka Pune FC, U Hrthik Ro shan, uba dei u actor ba khraw jong ki phlim Bollywood.
U Eugeneson Lyng doh, uba la ai nam ia ka jaitbynriew Khasi, kaba rit duh ha khmat jong ka Ri India, ula shah khlieh dor, haduh T.1.05klur, ha ka Pune FC, ha ka jing ia die ia ki nongialehkai ha ki khyndiat sngi ba ladep.
La kha ia u Euge neson Lyngdoh ha ka 10 tarik u Nailur, 1986 ha nongbah Shillong, Meg halaya, ha kaba la ju khot ieit ia u kum u Eugene. U la sdang ban paw ha ki lympung ialehkai phutbol nyngkong eh kum u rang ialehkai ka Rangdajied kaba la ju tip mynshuwa kum ka Ar Hima. U la kynriah noh na katei ka klob ha u snem 2011 bad u la leit ban pyniasoh bad ka Shillong Lajong, h a ka jingialehkai na katei ka klob u la pyni ia kiba bun ki sap lehkai jong ha kaba u la ioh teng ruh kum u rang ialehkai ba thep bun kol tam ha ka I –League. Hadien ar snem ba u la don ha ka Shillong Lajong u la kynriah noh na katei ka klob bad u la leit ban pyniasoh biang bad ka Rangdajied hynrei hadien shisnem ba u la ia soh bad ka Rangdajied u la leit ia soh noh bad ka Bengaluru FC ha u snem 2014.
U la bteng ia ka jingialehkai phutbol jong u ha ki lympung bapher bapher na katei ka klob haduh kine ki sngi , hynrei katei ka klob ka la die noh ia u ha ka dor T.1.05 klur tyngka ha ka Pune FC kaba dei trai da u Hrithik Roshan.
Ha ka 10 tarik u naitung ka la don ka jing iakhliehdor ha ka dor ia die ia thied nongialehkai na bynta ki klob kiba ia khun ha ka ISL bad la sdang ia ka dor jong u Eugene Lyngdoh na ka T.27 lak tyngka hynrei ka jingiakhlieh dor ia u, u Hrithik Roshan u la lah ban tam ia kiwei da kaba khlieh haduh T.1.5 klur tyngka. Haba ia kren bad katto katne ki lad khubor u Eugene u la ong ba um pat ju poi pyrkhat ba un shong haduh T.1 klur tam ha katei ka iew ka die ia thied nongialehkai, hynrei u la ai ka burom sha ka Bengaluru kaba dei ka klob ba u ialehkai kaba la kyntiew ia u haduh ba un da poi sha katei ka kyrdan kum u rang ialehkai ba rem tam hapoh India nalor u Sunil Chettri.