Ka dur kaba I sangsot shi katdei, ka long ba u kpa, u la hap ban shu kawang wat ia I khun rit lajong sha ki shipai jong ka America, kiba pahara ha ka kad liengsuin ha Kabul, tang ban pyllait ia itei I khyllung, na ki kam thombor jong ki ehrang Taliban.
La iohi, ba ia itei I khyllung kynthei, la shu kawang na ki riew paidbah, kiba don ha syndah ka kad liengsuin, ha kaba la hap ban shu kynrup da ki shipai US, ha lyngba ki sainar shiah jong ka Hamid Karzai International Airport hynnin ka sngi.
La iathuh ba kitei ki dei ki shi tnga, kiba la khein duh ialade bad kiba kwah tang ban pyllait im, ia la I khun na ki tyrsim ba triem ki ehrang Taliban.
Ha katei ka jingjia, la iohi, ba ki shipai jong ka America bad ki shipai ka UK, ba ki kynrup ia itei I khyllung ban shimti bad ban kit ha ka liengsuin, kaba wan shaw ia ki riew shem lanot kiba la rai ban mih noh na Kabul.
Uwei na ki shipai, u ong “Ki kmie ki shong syier halade, namar ba ki shah shoh shah bom ialade ha ki Taliban bad ki pyrta ‘sumar lem ia I khun jongnga’ bad ki kawang ia ki khun sha ka jaka ba ngi don. Ka dei ka jingjia, kaba I sang sot sat”.
Phi don ban ong eiei?