Da U MM Thaiang
U Deacon( Dikon) James Eleazer Bareh u dei uwei na ki khun synrap jong u ma Wnbor Lato bad ka kong Adelinda Bareh kiba shong basah ha Ladthadlboh Jowai. La kha ia u ha ka 14 tarik u Rymphang 1987. Ki don hynriew ngut shipara, saw ki shynrang bad ar ki kynthei. La phah skul ia u naduh dangrit bad u la pule ha Tome Memorial Secondary School, Mooralong Jowai naduh Class A rit haduh Class X. Naduh dangrit u don ka mynsiem kwah long Lyngdohniam bad hadien ka jingpule Class X bad ka Vocation Camp, u la jied ban leit pyrshang ha ka jingiasyllok Salvatorian.
Ki ar ngut ki Lyngdoh ba la dep pynkyntang.
Ha ka 10 tarik Jylliew 2007, u la leit sha Bangalore ban long Aspirant n ka bynt shisnem. Nngta ha ka snem 2008-2010 la phah ia u sha Nagaon Assam ban pyndep ia ka ningpule Class XI-XII bad ha akane hi ka snem( 2010) u la mihnoh na ka jingiasyllok Salvatorian bad da ka jingiarap jong u(L) Most. Rev. Vincent Kympat, u la leit ban pyniasoh ialade bad ka kynhun jong ki Diocesan. Hadien ba u la pyniasoh ialade bad ka kynhun jong ki Diocesan Priests, u la leit sha sha Christ King College naduh ka snem 2010 haduh ka snem 2013 bad pyndep syndon ia k jingpule Philosophy ha Christ King College bad B.A.h St. Anthony,s College Shillong.
Ha ka 01 April 2013, la pynphong jainlieh ia u d u Rev. Hilarius Lamare, Diocesan Administrator ka Jowai Diocese. Nangta la phah ia u sha Blessed Joseph Nardini Seminary bad sah ha Ummulong haduh ka snem 2015. Hapdeng ka snem 2015 haduh ka snem 2018, u la leit pule ia ka Theology ha Orien Theologicl College Shillong. Hadien b u la pyndep ia ki jingpule kiba donkam na ka bynta ka jinglong Lyngdohniam la pynkyntang Deacon ia u h ka 23 June 2018 ha Orien Theological College Shillong da u Most. Rev. Joseph Ain DD, Bishop ka Dibrugarh bad yn pynkyntang Lyngdoh sohblei ia u ha kane ka 9 tarik December 2018, da u Most.Rev. Victor Lyngdoh DD, Bishop ka Jylla Niam Jowai, kaba dei ruh ka sngi pynhap pyrda ia ka jingrakhe dap shispah snem ka jingwan ka Balang Katholik ha Mihmyntdu bad ka Proseshon Iukharist ka Parish Jowai, ha shnong Mimyntdu, Jowai.
DEACON EBORMITRE HENRY LAMARE
U Deacon Ebormitre Henry Lamare, u dei u khun jong u ma (L) Iainehskhem Bamon bad ka kong Valaria Lamare, kaba ki briew ki kham iatip kum ka kong Seven Lamare. Lakha ia u ha ka 20/9/1984 ha Mission Compound Jowai. U la sdang ia ka jingleit skul ( 1989-1995) naduh Nursery haduh Class IV ha St. Mary,s Mzzarello Girls Secondary School Jowai. Nangta ia ka Class V haduh Class VI (1996-1998) ha Marianhill Hill Secondary School Jowai. U la rung ha St. Paul’s Apostolic School Upper Shillong ha u snem 1999. Hangne u la pule ia ka Class VIII-X. Hadien ka Matrik u la pule ia k aClass XI-XII Science (PCB) ha Kiang Nangbah Govt. College, Jowai (2002-04). Ynda u la pass ia ka Class XII ula hikai ha St. Hugh English School Mihmyntdu ia kaba la pynkylla mynta sha ka Don Bosco English School. Hadien shi snem u la iehnoh ia ka kam hikai bad bteng biang ia ka jingpule 1st bad 2nd year (CBZ) ha Kiang Nangbah Collehge hi (2005-2007). U Dikon Ebormitre u la long u samla uba shitrhem ha ka Balang bad ha ka Seng Samla. Ha u snem 2005 u la long u President ba nyngkong eh jong ka Seng Samla Katholik Mihmyntdu Jowai-Sohmynting Sub-District bad u Join Vice-Presedent jong ka Seng Samla Katholik Parish Jowai. Ha u snem 2006 la pynkha ia ka Balang Shnong Salini Colony. U Dikon Ebormitre u la long u President ba nyngkong eh jong ka Seng Samla haduh u snem 2007. Dei ha kane ka por ba u la rai ban buddien ia ki dienjat jong u Khrist bad pyrshang ban long u nongtrei ha ka brisohwain jong u. kumta, u la rung kum u aspirant ha ka jingiasyllok jong ka Seng Salesian ha Pathialaghat ha u bnai May, 2007 bad Pre-Novitiate ha u bnai may 2008 ha Mariamnagar (baroh ar ha Tripura). Ha u snem 2009 u la long Novice hapoh Sunnyside, Upper Shillong hynrei ha u bnai May 2010 u la don ka jingsngew ba u dei ban long u Lyngdoh Trai Ri (Diocesan Priest). Kumta, da ka jingiarap jong u Most Rev. Vincent Kympat, D.D (bam kwai ha ïing u Blei) Bishop ka Jowai Diocese, ha u bnai June, 2010 la phah ia u hapoh Parist Jowai khnang ba un lah ba leit pule ia ka Computer Course ha Bosco Pnar Technical School. Ia ka Philosophy u la pyndep na Christ King College, Shillong bad ia ka B.A na St. Anthony’s College, Shillong (2011-2014). Na ka bynta ka Regency la phah ia u ha Blessed Joseph Nardini Seminary. Ummulong (2014-2015). Ia ka Theology u la pule ha Oriens Theological College, Shillong (2015-2018). Ynda u la lah pyndep lut ia baroh ki jingpule kiba donkam na ka bynta ka jinglong Lyngdoh, la pynkyntang Dikon ia u ha ka 23rd June, 2018 ha Oriens Theological College, Shillong da u Most Rev. Joseph Aind, D.D Bishop ka Dibrugarh bad la pynkyntang Lyngdohsohblei ia u ha kane ka 9/12/2018, da u Most.Rev. Victor Lyngdoh DD, Bishop ka Jylla Niam Jowai, kaba dei ruh ka sngi pynhap pyrda ia ka jingrakhe dap shispah snem ka jingwan ka Balang Katholik ha ka shnong Mihmyntdu.