Kan bha shibun lada u bah Sanbor un bat kum u President BJP:Hek

Shillong:U myntri ka tnad ka koit ka khia u bah Alexander Laloo Hek, ha ka sngi balang u la pynpaw ba kan long kaba bha shibun ba lada u bah Sanbor Shullai un bat kum u State President ka party Bharatiya Jana ta Party.

Haba ia kren bad ki lad pathai khubor u bah Hek u la ong ba lada u bah Sanbor un bat ia ka kam State President ka party BJP, kan bha shibun, namar ba u dei u MLA u ba la jop bun sien bad u long u ba la ih ha ka kam MLA jong u bad kane kan pyn khlain ia ka Party.

U la ong ruh ba ka jingkylliang President kan shong ha ka rai jong ki nongialam na Delhi, hynrei ka party hapoh ka jingialam u bah Ernest Mawrie ruh ka long ka ba khlain.

U la ong ba ka party BJP ka long ka ba khlain bad kaba iatylli ban ia trei lang bad u don ka jingkyrmen kaba skhem ba ha u snem 2023 ka party BJP kan wan ha ka bor.