Kamram kum u Nongialam

Da u Joiningstar Rongrin

Baroh ki briew ki tip bha kaei ka jingmut jong ka kyntien ” U Nongialam”. U Nongialam u lah ban long u barit ne bakhraw, u lah ban long Nongialam Niam ne Nongialam jong ka imlang ka sahlang. Ki kmie ki kpa Kila dei lupa ki nongialam bakhraw jong ka ïing ka sem, ki nonghikai ruh kidei ki nongialam iaki khynnah skul bad khynnah college, kum ki khynnah Samla ruh ki shait don la ki jong ki jong ki kam kum u Nongialam la kadei jong ka Balang ne jong ka imlang ka sahlang. Ki nongtrei sorkar kum ki officers , Ministers, MLA, MDC ruh ki don la ki jong ki jong ki kyrdan kum “U Nongialam”.
Hangne harum ki dei ki katto katne tylli ki Mat, kaei kaba u Nongialam bashisha u don :-

1. U Nongialam u dei ban tip iaki jingmut jong u” Boss” bad ” Leader”.
2. U Nongialam um dei ban sngewsarong iaka kam ba u bat ,hynrei dei ban sngewrit bad pyrkhat khia naka bynta ki paidbah.
3. U Nongialam u dei ban pyn iaryngkat ialade bad ki paidbah,khnang ba ki paidbah ruh ki shlur ban iakren ia phylliew jingmut ia ki jingeh jingshitom baroh.
4. U Nongialam u dei barabor ban pyni dur khmat ba phuh samrkhie ha khmat ki paidbah.
5. U Nongialam um dei ban shim rai marwei nadong shadong,hynrei ban sngap iaka rai jong ki paidbah ruh.
6. U Nongialam um dei ban pynhiar kput ia kito ba shun ia u, hynrei dei ban pynshai bad pyni nuksa babha naka bynta jong u.
7. U Nongialam u dei ban long uba sbun bad uba kloi ban sngap iaki paidbah.
8. U Nongialam u dei ban tip ba u long kum u ” Nonghikai ia ki paidbah”
9. U Nongialam u dei ban sngewthuh jingmut nyngkong para Nongialam.
10. U Nongialam um dei ban sngew pher Niam bad jaitbynriew.
11. U Nongialam u dei ban long uba iaishah bad uba tip briew tip Blei.
12. U Nongialam um dei ban shuh shim kylliang nangne nangtai, hynrei dei ban wat bniah tih bniah dalade hi shuwa ban kren ne pynshai ia ki paidbah. Kine ki dei ki katto katne tylli ki kyrdan jong u Nongialam. Nga khlm thew iano iano hynrei nga shuh kwah ban ia phylliew jingmut lang kaei kaba nga Shem halade kum u Nongialam barit bad nga sngew ruh ba kalong kaba donkm naka bynta baroh ki nongialam.