Kamai ka phlim U Akshay T.70klur, ka phlim U John T.35.29klur

Ka phlim jong U Akshay Kumar, ka Mission Mangal, ka la kiew ka jing kamai jongka sha ka T.70.02 klur ha kine ki lai sngi ba ladep, katba ka phlim jong U John Abraham, ka “Batla House”, ka la ioh kamai T.35.29 klur.

U Taran Adarsh, uwei na ki nongbuddien halor ka jingkamai jong ki phlim, u iathuh ba ka “Mission Mangal”, ka kamai bha ha ka Sngi U Blei ruh bad ka jingkamai jongka, ka long ha ka Sngi Palei, ka long T. 29.16 cr, Sngi Thohdieng T.17.28 cr, Sngi Saitjain T.23.58 cr. Total: Rs 70.02 cr.
Ha kawei pat ka liang, la pynmih ba ka phlim “Batla House” ka kham kiew ka jing kamai jongka, ha ka Sngi U Blei bad katei ka pyni, ba ha ka Sngi Palei, ka ioh kamai T.15.55 cr, Sngi Thohdieng T.8.84 cr, Sngi Saitjain T.10.90 cr. Total: Rs 35.29 cr.
Ka Mission Mangal, ka iathuh shaphang ka jingim jong uwei u saiantis, uba la don bynta ha ka jingleit kiew jong ka India sha u met bneng Mars lane ka Mars Orbiter Mission (MOM) ha u snem 2013, katba ka Batla house, ka pyni ia ka jingleit khynra jong ki pulit ha Batla house, ha kaba la siat iap ia arngut ki ehrang bad kitei la shim ba ki dei kiba donkti ha ka jinghiar thma ha ka 13tarik Nailur 200, kaba la pyniap ia 26ngut ki briew.