Kamai ka phlim U Akshay Kumar, sha ka T.78.40klur

Ka phlim jong U Akshay Kumar, ka Kiara Advani, U Diljit Dosanjh bad ka Kareena Kapoor, kaba ai kyrteng Good Newwz ka la ioh kamai sha ka T.78.40 klur ha ki iing cinema bapher, ha ki saw sngi ba la pynmih paidbah ia katei ka phlim.

Ka phlim, ka ioh kamai T.13.41 klur ha ka Sngi nyngkong bad nangta ka kamai T.24.19klur ha kiwei ki bynta jong ka pyrthei, kum ha UK, Canada, US bad ha UAE.

Ka phlim jong U Salman Khan, ka Dabangg 3, ka kamai sha ka T.137.80, ha ka Sngi U Blei bad katei ka dei hadien ba la pyllait paidbah ha ka 20tarik Nohprah 2019. Mynta ka don ka jing ia khun kaba tyngeh bad ka phlim U Salman, ka Good Newwz.