Shillong: Ka Hynniewtrep National Liberation Council (HNLC) ka kam trai halor ka jingsiat iap ia U bah Romeo Lyngdoh bad la iathuh ba ka jing pyniap ia u, ka dei namar ba u don bynta ban trei ia ki kam kiba pyrshah ia ka HNLC bad ia ka Jaidbynriew.
U Bah Romeo, la kam da ka HNLC, ba u dei u riew syntiat jong ki pulit bad u dei uwei na kiba ju phah briew, na ka liang jong ki pulit ban syntiat ha Ri Khasi bad ha Bangladesh ruh kumjuh. “Ngi la thwet bha ia u, naduh u snem 2008 bad ula shah siat iap noh ha ka miet jong ka 12tarik Jymmang 2019.
La iathuh ba ha u snem 2016, ha ka por ba ki dkhot jong ka HNLC, ki shah kem lem bad ki tiar pynbthei ha Pynursla, u dei uwei na kiba la pyntip sha ki pulit, namar ba kitei ki dkhot, ki leit da ka kali jongu. La iathuh ba ki pulit, ki la pyndonkam bha ia u bad u ju ioh tulop ruh na ki pulit. “Ngi kwah ban kren shai ia ki paralok Hynniewtrep, kiba trei bad ka tnat pulit bad ka tnat syntiat ba kim dei ban sngew sarong ban leh pyrshah ia la ka jong ka Jaitbynriew. Ki dei ban sngewthuh ba ka jingiakhun jongngi, ka dei halor ka daw bad kitei pat ki trei bad kiwei kiba thmu ban pynlong mraw ia ngi bad kitei ki dei ki nongshet kylla bad kitei kim iapher, na ki nong India, kiba trei bad ki shipai British, kiba leh pyrshah ia ki nong India” ong ka kyrwoh.
Ka HNLC, ka ong shuh shuh ba ka kut jingmut ban pyniap lut khoit ia kito kiba donkti ruh, ha kaba pyniap ia kiba bun ki dkhot jong ka HNLC. “Ngin nym iathuh shuh satia ia ki kyrteng jong ki briew, kiba don ha ka thup jongngi” ong shuh ka kyrwoh. “Ki shympriah kti jongngi, ki la don lypa ha ki suloi bad ai ba u kuli, un ngam ha ki klongsnam jong ki nongshun” ong ka kyrwoh na U bah Saiñkupar Nongtraw, General Secretary cum Publicity Secretary, HNLC.
Katno sien phi ioh sngew ba ka HNLC kala pyniap dkhar hynrei bun hi te ki Khasi.