Shillong,16 Iaiong:
Ka jingiakam Secretary hapdeng ar ngut ki Rangbah na Shella kam shym la kut haduh kine ki sngi, uwei u bah Tobias Tiewdop u la kam ialde ba u dei u Scretary jong ka shnong Shella katba na ka liang u bah Brostarwell Ora ruh u la kam ba u dei u Secretary katei ka shnong. Ka la don ka jingiakwang ktieh kaba jur hapdeng kitei ki ar ngut ha kine ki sngi.
Na ka liang u bah Tiewdop u la kam ia lade ba i dei hok u Secretary ka Shella uba la jied bad thung katkum ki Riti Dustur ka Dorbar shnong Shella, katba u la ong pat ba u bah Ora u de uba la kam Secretary da kaba pynkhein bad pynduh ia ka ki rit ki Dustur ka shnong Shella.
Lah ban sngewthuh ba katei ka jingiakynad ha Shella ka dei na ka jingiakynnoh ba la pynrung kyrteng thep vote ia ki bar shnong kiba kynthup ia ki Garo kiba long tang ki nongbylla sngi ha ki thain ka Shella.
Katkum ka khubor na u bah Tiewdop u la ong ba u bah Brostarwell Ora u dei u brriew uba ju mlien ban soituh ia ki kyrteng jong ki nongshong shnong jong ka shnong Shella bad u ju mlien ban kren khlieh-khlieh –tdong tdong ne kylla juban shiphang da kumwei bad shiphang da kumwei. U la kynnoh ruh ba dei ma u-hi uba donkti ha ka ban leit shaw leit buh bad pynbiang nadong shadong ia ka jingdonkam jong ki bar jylla bad ki Garo ban wan ia shim bynta ha ka elekshon MLA.
Halor katei ka jingiakam Secretary ha Shella , u nongthoh khubor u la ia ioh ban ia kren bad ki ‘riew pawkhmat ka thain Shella, ha kaba la sngewthuh ha ka jingiakren ba ha Shella la ithuh ia u bah Brostarwell Ora kum u Secretary, bad la iathuh ruh ba u la shimti ia katei ka kam la kumba shibnai eiei mynta. La kylli ruh ha kano ka rukom la ia jied Secretary ha katei ka shnong, u briew uba u nongthohkhubor u la ioh ia kren uba shong bas ah marjan ka shnong Shella u la iathuh ba ha katei ka shnong la shu jied beit tang da ki khlieh briew (khlieh rangbah) ym da kaba shu Vote.
Ka jingkylli kaba mih mynta ka long ba hato mano ba dei hok u Secretary u bah Tiewdop ne u bah Ora????.
Phi don ban ong eiei?