KAM Meghalaya: Ka rynsan pyrkhat saiῆ hima kaba thymmai jong ki nongshong shnong ka Jylla

Ha ka 17 tarik Jylliew 2022 ka KAM Meghalaya ka la pynlong ia ka jingїalang jong ki nongshong shnong ha Anchorage Guest House ha Malki point bad kumba spah ngut ki nongshong shnong kiba na ki jylli bapher, kiba trei ki jaitkam bapher bad ki samla pule ki la wan bad їashim bynta shitrhrem ha ka jingїatai bad їatei nia halor ki mat ki ishu kiba ktah jur ia ka Jylla mynta. La pynїaid ia ka rynsan jingїalang da I Kong Wanpynhun Kharsyntiew, I nongїalam jong ka Seng ki nongtrei їingbriew (All Meghalaya Domestic Workers Union).

Ka KAM ka kut jingmut ban їeng bad їakhun nyngkong eh pyrshah ia ka jingsngew kutlad bad jingduh jingkyrmen kaba mih na ka daw ka jingrunar bad jingsniew jong ka synshar khadar ha kane ka pateng. Ka synshar khadar ha kane ka pateng ka la kheiῆ dew thala lut ia ki nongrim jong ka synshar-bishar bad ka treikam treijam; kum ka hok, ka jingshisha, ka jingai jingkheiῆ bad ka jingїatip lem.

Ha ba ai ka jingkren maitphang, ka Kong Angela, kawei na ki nongseng jong ka KAM Meghalaya ka la ong, “Ngim dei ban shah pynbor ne shah pynbieij ha kata ka rukom pyrkhat kaba la їaid їew bha mynta kaba ong ba ngin jied noh ne pynїasoh їalade bad ki briew kiba kham duna ka jingleh sniew ne kiba kham duna ka jingbam sap ne kiba kham duna ki kam thok kam shukor. Ngim lah da lei lei ruh em ban їapeiῆ bad їapynleit pynwan ia ki nongrim tynrai jong ka jingim, ka hok, ka jingshisha bad ka jingῆiewkor ῆiewburom para briew kiba ngi hikai ia ki khun ki kti.”

U Kyrsoibor Pyrtuh u la ong, “ngim dei ban man thait ban їatai nia bad wanrah ki jingmut, ki buit bad ki jingtip kiba shai kdar bad ngim dei ban tieng ne phet rieh na ka jingїatai nia kaba laitluid. Ka jingkylla kan ym wan lymda ngi їathir-їatai halor ki saiῆpyrkhat bad ki mat ki jura kiba ktah ia ki paidbah nongshong shnong. Ha kajuh ka por pat ki jingїatai kin shu bijai ei bad kin ym larkam satia lymda ngi jngi bad їashim bynta ha ki jingїakhun bad jingїakhih kiba man la ka sngi ban їeng pyrshah ia ki bor jong ka jingbamsap, ka thok ka shukor bad ki kam pyntriem kiba bun jait.”

Ka KAM ka mih na ki jingїashem kiba ngi mad ha ki jingїakhun bad jingїaleh kiba bapher jong ki riewpaidabh bad ki nongshong shnong. Naduh ki jingїakhun na ka bynta ka jingїalong mar ryngkat shynrang bad kynthei haduh ka jingїakhun na ka bynta ban їada bad pynneh pynsah ia ka mariang, ki jingїakhun na ka bynta ki hok jong ki nongtrei nongbylla bad kiwei kiwei. Ka jingїakhun pyrshah ia ka jingsynshar leh jubor bad jingpyn їashun-їasih para briew kaba ktah ia ka longbriew manbriew ka dei ka phang pdeng kaba kongsan jong ka KAM. Ka KAM ka thmu ruh ban pynkhie im pat ia ka synshar paidbah ba nylla bad ka lawei kaba їeng skhem ha ka hok.

Ha kataei ka jingїa lang jong ki nongshong shnong bad ki kynhun bapher jong ki nongshong shnong la їatai bniah halor ki nongrim bad ki jingthoh ba ka KAM Meghalaya ka la pynkhreh bad kane ka la long ka jingkyrkhu bad yn nang lah ban pynbha shuh shuh ia ki.

La їatai ruh shaphang ka jingdonkam ban ia buh kti lem ha ka elekshon ka ban sa long ha ka snem 2023, tangba halor ki nongrim kiba shai kdar bad kiba hok. Ka KAM ka tyrwa ba ngi dei ban їamir lang bad їatreilang wat la hapdeng ki jingїapher bad jingїaprat jingmut. Ka KAM Meghalaya ka pynpaw shai ba kan ym lah ban їapeiῆ ia ki nongrim jong ka hok, ka jingshisha, ka jingїatip lem, ka jingῆniew kor bad jingburom kylliang iwei ia iwei pat. Da ka jingїawan lang ngin lah ban їakhun ia ki jingsniew ha ka synshar bishar jong kane ka pateng bad ngin tei thymmai da kawei pat.
Ka KAM ka kdew hangne ia ki 15 tylli ki mat bad ki phang kiba kongsan tam na ka bynta ban pynkhie im ia ka synshar paidbah bad ban tei ia ka Meghalaya kaba mait shaphrang:

1. Ka treikam treijam kaba beit bad kaba ai jingkheiῆ
2. Ban pynduh jait ia ka bamsap bad ki kam be-aiῆ ha ka synshar khadar
3. Ban pynneh pynsah bad їada ia ka khyndew, ka mariang bad ban kyrshan ia ki nongrep
4. Ka koit ka khiah kaba paka bad kaba bha.
5. Ka pule puthi kaba bha ia baroh
6. Ka їoh ka kot kaba ai bynta bad ai bhah lang ia iwei pa iwei i nongshong shnong
7. Ban pynkhlaiῆ ia ka synshar khadar bad ki kam pynїaid shnong pynїaid thaw lyngba ka jingpynkup bor pura ia ki nongshong shnong, kaba bei tyngka pura bad ka jingsynshar kaba shai bad kaba ai jingkheiῆ.
8. Ban kyrshan pura ia ki samla.
9. Ban pynduh jait ia ka bamsap ha ka thung kam thung jam
10. Ban їada ia ki hok jong ki nongtrei nongbylla.
11. Ban wanrah ia ka jingїalong mar ryngkat hapdeng shynrang bad kynthei, ka hok ki kynthei bad kiwei ki kynhun.
12. Ban wanrah ka shong suk shong shngaiῆ ha iwei pa iwei i nongshong shnong.
13. Ban їeng pyrshah ia baroh ki jait jingshong shit niam.
14. Ban pynneh bad їada ia ki hok jong ka Jylla ha ka jingїadei bad ka Sorkar India bad ruh ban pynneh ia ki jingїapher bad jingdon ki seng bapher ha ka saiῆ hima
15. Ban pynshlur ban їatai nia bad їaprat jingmut.

Ka Rynsan KAM ka khot ka wer ia baroh ki nongshong shnong ban їadon kti ban їakhun na ka bynta ban pynduh shi syndon ia ka saiῆ hima kaba pynїaid tang da kawei ne ar tylli ki longїing bad kaba kyrshan da ki heh sai pan kiba rhah spah bad khwan myntoi shimet.

Sa shisien ka Kong Angela ka ban jur, “Ngi lah ban dei tang ki nongtrei nongbylla, ki nongdie madan, ki nongthoh kot khubor, ki nongthoh kot, ki nongrep, ki nongtrei їing briew, kiba shu shong їing, ki samla pule, ki samla wad kam, kiba treikam lajong, kiba la shong thait na ki kam , ki nonghikai, ki nongtem, nongthaw jingrwai, ki barikor, ki nongoh bad nongdro dur, ki riewshemphang bad ki riewїakhun, hynrei ngi ia mir lang bad don tang kawei ka jingthmu ban pynїoh biang ia ka synshar paidbah kaba nylla bad ban kren ia ka hok bad jingshisha”.

“Ka KAM ka ngeit ba ka jingkylla kan ym jia tang lyngba ki nongїalam kiba hakhmat, hynrei ka jingkylla kaba shisha kan urlong da ka jingїawan lang ki paidbah nongshong shnong kiba angnud ban shem ia ki nongrim jong ka jinglong trai shnong ha ka Ri/Jylla synshar paidbah bad ban mad ia ki ha ka jingim kaba man la ka sngi.