Kam kontrak, tang ia ki briew jong ki Minister, ong ka AMCSA

Shillong,21 Iaiong:
Ka All Meghalaya Contractor & Supplier As sociation (AMC&SA) ha ka jingialang ba kyrkieh jong ka ka la pyrshah jur ia ki tnad sorkar kum ka PWD, PHE,Health Engineering Department, Tou rism,Fisheries bad kiwei kiwei halor ka jingaikam ai jam sha ki kontraktor, wat la, ki la bhah ia ki kam hadien ba la khot Tender.
Ka Association ka la ioh ka jingujor na ki para Kontraktor ba ki don ki tnad ba wat hadien ba ki la khot tender, ka rukom ai kam pat ki leh shiliang khmat bad ki ai sha kito ki briew ki Myntri sorkar (Minister). Ka Association ka la byrngem ban ialeh da ka mukotduma pyrshah ia kito ki tnad kiba mlien ban leh ha ka tei ka rukom.
Ka la pynkynmaw ruh ia ka Asian Development Bank Sponsored Scheme ban pyntreikam ha jylla, ban pynbha ia ki skul ha baroh ki district jong ka Jylla, ka AMCSA ka la ialeh mukotduma pyrshah bad ka tnad PWD(B), namar ka la kynnoh ba la don ka jing leh shiliang khmat da ki Myntri sorkar, bad ka la pynpaw ba ka Association ka don ka jingkyrmen kaba skhem ban ioh iaka jing jop hadien ba la ioh iaka khubor ha kine ki khyndiat sngi.
Ka AMCSA ka kyrpad lem ia ka sorkar ba kan peit lem ia ka jing kiew dor jong ka dewbilat bad u nar Rod ha kine ki sngi, ha kaba ka seng, ka ong ba kine ki karkhana kiba don ha kane ka jylla ki ioh bun ki jingbei pisa jong ka sorkar kum ha kaba thied mar, ka bai kit, ka bai ding ilektrik, ka bai nongbylla bad ka AMCSA ka sngew ba ka dor jong kine ki mar kum u dewbilat bad u nar rod u dei ban duna dor bha hapoh jylla, bad dei ban ai ruh da ka dor kaba kham duna ia ki trai jylla, khamtam ia ki contractor namar kine ki dei ki mar kiba ki contractor ki pyndonkam man ka por.
Kiwei pat ki lad khubor, ki iathuh ruh, ba kim iahap satia, ba ia ka dor dewbilat, na ka bynta jongki, ba ki thied khyndiat, la khein ha ka dor kaba rem, kaba long T.320 shaneng, katba ia ki kompeni, kiba wan trei shane, namar ba ki shim ia ki kam kiba heh bad ba ki donkam dewbilat, da ki bun bun kali, la ju ot pynduna dor, kaba long kumba T.50 haduh T.60 ha ka shi shi bynri, na ka dor ba die lang ha iew ha hat.