NEW DELHI: Ka sorkar India, ka pyrshah jur, halor ka jingioh lum jingkhein jong ka World Health Organization’s (WHO), kaba pyni, ia ka jingbun kiba iap, na ka khlam covid 19, kaba tam, na kaei kaba ka sorkar India, ka ai jingkhein.
Ka khubor jong ka New York Times, ka thoh, ba ka sorkar India, kam mynjur satia ia ka jingkhein jong ka WHO. Ka WHO, ka ai jingkhein, ba ka jingiap briew, ka long palat bun shah, na kaei kaba la shim jingkhein baroh shi katta bad la iathuh ba ki don haduh 15 million ngut kiba iap, haduh kaba kut jong u snem 2021 bad kaba palat ar shah, na ka jingkhein jong ka sorkar India, kaba pyni, ba kiba iap, ki long tang hynriew million ngut.
La iathuh ba ka WHO, ka la hap ban buhteng, da ki bun bun bnai, ban pynmih ia katei ka jingkhein jongka, namar ka jing pyrshah jong ka sorkar India bad kaba ka sorkar India, kam kwah ban pynmih paidbah, ia katei ka jingkhein, ong ka khubor. La ong ruh, ba kiba iap, la shim, ba kin don sa 9 million ngut, nalor ka jingkhein, kaba la ai da ka sorkar India, kaba long 520,000 ngut.
Ka Mahua Moitra, ka MP jong ka Trinamool Congress, ka la sangah tyngeh ia ka sorkar jong U Narendra Modi, halor katei ka jingbuhrieh ia ka jingiap briew, na ka khlam covid bad ka Moitra, ka ong “Ka shadem ba 56 inshi kan nym lah ban buhrieh ia ki 56 lak lane “56 inches can’t mask 56 lakhs”.
Na ka liang U Rahul Gandhi, nongialam jong ka seng Congress, u kam ba kiba iap, na ka jingpang covid, ki don haduh 40lak ngut bad u dawa ruh, ba ka sorkar India, kan siew ia ka bai lutksan kaba T.4lak sha kawei kawei ka longiing, kaba la duh ia kiba ha iing na ka khlam covid.
Ka mut sa 9 million ngut × 4 lak
Kaba dang sah ban ai sha ki long ing ba mat ia kane ka jingiap khlam. Na kata ka daw ka sorkar u Modi ka kwah ban buhrieh kumne.
Lah wai Lada dei katne ba iap na u covid ka mut shi pawa population ka north east lah lut…Ka population Meghalaya baroh lah lut…ka population Israel 9 million bad lada iap katne um don shuh mano2 ha kine ki jaka…