Kam ka longkmie, ba ka iohi ia ka dur U Jisu, ha ka iingmane kaba kem ding ha Paris

Ha ka ding kaba klang ha ka iingmane Katholik ha Paris lane ha  Notre Dame Cathedral, la don kiba iohi ba ka don ka dur U Jisu, kaba don hapdeng jong katei ka thylliej ding.

Ka Lesley Rowan, na Alexandria ha West Dunbartonshire, Scotland, ka kam ba ka iohi ia ka dur jong U Jisu, kaba paw ha katei ka tdem kaba dang lynguh ha katei ka iingmane bah.

Haba thoh ha ka peij jongka ha ka social media, ka Lesley, ka kam ba katei ka dei ka dur jong u khun U Blei.

“Nga kwah ban pynleit jingmut bha ia katei ka dur bad haba nga peit bha, nga iohi ba ka dei shisha ka dur jong u khun u briew” ong katei ka longkmie kaba 38snem ka rta. Ki don sa shibun kiwei pat kiba la ia kynthoh ha ki social media, ha kaba ki la mynjur ba katei ka dei ka dur jong U Jisu Khrist, kaba don ha katei ka tdem ha ka iingmane.

“Nga ngeit ba kane ka dur, kan wan rah ia ka jingsuk sha u paidlang ka Paris, ha kaba kum kane ka por jong ka jingsngewsih” ong ka Lesley.