Shillong:U bah Renikton L Tongkhar u MLA ka Mawkyrwat Constituency, u la ong ba lada ki sengsain pyrthei national, ki lah ban wan bsut bad ban synshar ia ka jylla Meghalaya, kan ym don kano kano ka khyrdop ka ban lah ban khang ia ki seng sain pyrthei riew lum ba kin poi shaduh Delhi lada ki wan ha ka bor.
Ha kane ka jingiakren bad u Myntri ka tnad PHE, u bah Tongkhar, u la ong ba ka jingiatai halor ban pynkhlain ia ka sengsain pyrthei riewlum ha ka jylla kan long kaba bha palat ban iohi, hynrei kane ka jingiatai ka don ka jingiapher jing mut ba kawei ka kyn hun kan ong ba kan bha ban pyn khlain ia baroh ki seng sain pyrthei riewlum, bad kawei pat ka kynhun ka jied ban pynkhlain noh tang kawei ka seng sainpyrthei”.
“Hynrei haba twad ia kane ka mat, kan ym lah long namar ba yn ym don ki nongialam ki ban ong ba ngin pynduh pyndam noh ia ka sengsainpyrthei lajong, kumta kan bha ba ngin ieh ha u paidbah ba kano ka seng sainpyrthei kaba ki imon ban pynkhlain ha ka jylla”u la bynrap.
U la ong ruh “Lada ki paidbah ki stad bad iohi ia ka jingdonkam ban pynkhlain noh tang ia kawei ka seng riewlum te kin pynjop election noh tang kawei bad ka por kan batai ia kata, hynrei ha ka jylla hi ngi donkam ia ki sengsainpyrthei ki ba khlain bad kane ka sengsainpyrthei ka dei ban long ka ba lah ban pdiang ha ka jylla baroh kawei”.
U la bynrap “Ka jingthmu ban seng ia ka RDA ruh ka long ba ki don ia ka jingthrang ban iohi ba ki seng sain pyrthei riewlum kin khlain”.
Haba kylli u la ong “Ki sengsainpyrthei riewlum ki barit, ngam lah ban ong kaei kan jia ia ki, hynrei lada ki paidbah ki jied tang ia kawei ka sengsainpyrthei riewlum ba kan khlain, kine ki sengsainpyrthei riewlum kiba rit ki lah ban ym jop bun ha kane ka election ban wan”.
U la bynrap “Wat la katta ruh ha ka jylla hi ngi tip ba ki nongialam kiba ju jop ia ka election kim ju jop ia ka election ha ka kyrteng jong ka seng sainpyrthei, hynrei ki jop kat kum ka jingmon ki paidbah ia u kyrtong”.
Haba kylli halor ka jingkynnoh u la ong “Kane ka jingong ban kynnoh ba ki sengsainpyrthei riewlum kin kut tang ha Khanapara ngim dei ban shim khia ia kane, namar ba lada ki national party ki lah ban wan bsut haduh ka jylla, kan ym don khyrdop ban lah ban khang ia ka party riewlum ban poi sha duh Delhi”.
Da lade hi bah Renik phi pynpaw iaka jingleh bymshaniah tang 2tem 5tylli ki party phi leit ryngkoh te hano kein kandon kata ka jing iatylli.
hadien u 23 lei wattang ka sem ruh phim lapshuh sa ha kano kein ka party phin leit ia tylli
Ki paitbah nong kyrshan jongphi phi la ieh lud shadien