Dang ha kine ki khyndiat sngi ba la dep ka la mih ha kawei ka kot khubor phareng ia ka jingthad uwei u rangbah khasi uba la heh kyrdan ia uwei pat u rangbah khasi.
Da kane ka jingthoh nga kyntu bad ai jingmut ia ki riewnang riewstad jong ka Bri u Hynñiew Trep, kiba la stad bha ban thoh phareng (high meaning) ba ka jingthad ia ka jingbakla ne jingduna para khasi ha ki kot khubor phareng ka long kumba thad bad die tad dor ia ka jinglong jong ka jaitbynriew la jong ha khmat ki phareng bad baroh ki non- khasi kylleng ka pyrthei. Nga kyntu ruh ia kito ki smat ban post ha ka facebook ba lada ki kwah ban kdew ia ka jingduna para khasi, kin thoh da ka ktien khasi.
Ngi ka jaitbynriew khasi watla don kiba la pule jngai (high qualified) pynban ngi dang don shibun ki jingduna bad jingbakla ha ki jingthoh. Kane ka mih na ka jinglong hot temper. Kumta ka jingthad ia la ki para doh para snam ha ki kot khubor phareng ne kot khubor hindi kam long kaba bha. Kiwei ki jait bynriew kin rkhie beiñ ia uba thoh bad ia uba shah thoh. Lada dei ba thoh ban pynpaw nam ia ka jaitbynriew te ka biang, hynrei kano kano ka jingiakynthoh sniew te kam long kaba bha.
Ngi ju ong ba ka ïing ba donburom ka dei kata ka ïing kaba u kpa um thad ia ka jingbakla ka kmie bad ka kmie ruh kam ju thad ia ka jinglong duna u kpa ha khmat ki briew. Ha kano kano ka ïing ka shait don ka jingiamai bad ia nia hapdeng u kpa bad ka kmie namar ki jingbakla bad jingduna hapdeng jong ki. Te lada ki leit iathuhkhana ha kiwei ia kita ki jingbakla, ki briew kin kynnoh ba baroh arngut ki dei kiba bieit.
Para khasi ruh ngim lah ban len ba ka ju don ka jingbakla bad jingduna naduh kiba dang rit kyrdan haduh kiba la heh kyrdan. Tangba to phi para khasi ngin ialeh ban iada ia ka burom ban ym thad ha u nongwei nongar lyngba ki kot khubor phareng ne ban thad ha ka facebook da ka ktien phareng. Lada phi kwah ban kynthoh iano iano ka bha ban thoh beit da ka ktien khasi.
Da u Ex.Rev.K.Langrin, Seiñduli, West Khasi Hills District.
Para khasi ruh balei kmta
Hooid kein! kata ka dei palat.Ngi dei ban long kiba iar jingmut jingpyrkhat bad jynsur ka mynsiem da Kaba niew ba kiwei ki kham bha ban ia lade.
Nga da sngew mynjur palat ia Kaba Ka jingpyni. Namar para ma ngi, ngin kynthoh pyrshah is kiwei daka Ktien nongwei. U dkhar u kling u ioh rkhie beiñ. Kam dei hi ruh ban kynthoh ne beiñ ia ki jingbakla, namar ngi dei ki briew ki ba dang bun sa tang ki jingbakla.
Ka jingthoh kaba da don jingmut bad sngewiahap bha