Shillong: Ha ka jingiakhun kaba ar jong ka Shillong Lajong ha ka lympung Kalinga Super cup pyrshah ia ka North-East United ba la ialeh ha Kalinga Stadium Pitch-I, Bhubaneshwar, ka Lajong ka la shah rem biang ha kane ka kynti da 2-1.
Ha kaba sdang jong ka jinglehkai, ka Lajong ka la ialehkai bha ha kaba, ha ka minit kaba 17 ka la lah ban lamkhmat ia ka jinglehkai bad haduh kaba kut jong ka kylla step hadien ba u forward jong ka Brazil, u Douglas Tardin u la ioh ban thep ia ka kol kaba nyngkong jong ka kynhun.
Ha ka kylla miet, Ka North-East United ka la ioh pat ban pyniaryng kat noh ia ka jinglehkai ha ka minit kaba 60 lyngba u forward jong ka, uba na Spain u Nestor Albiach uba la lah ruh ban thep sa ia ka kol kaba ar jong u bad ia ka kynhun jong u hadien ba ka North-East ka la ioh ia ka penalty kick ha ka minit kaba 66. Da ka jingioh thep ia ka kol kaba ar, ka North-East United ka la ieng skhem ban ym ailad shuh ia ka liang pyrshah bad da kum ne ka la lah ban lamkhmat ia ka jinglehkai haduh ka ba kut bad khur ia ka jing jop kaba nyng kong jong ka ha kane ka lympung.
Hadien katei ka jingiakhun, ka Shillong Lajong kan ioh ban iakhun khatduh sa bad ka Jam shed pur FC ka ban ialeh ha kane ka sngi saitjain naduh ka por 2 baje nohphai sngi ha kajuh hi ka stadium.
Phi don ban ong eiei?