Kaei kata ka NPP, ka dei ka seng ka bym don ba ithuh satia

Imphal: Ha ka sngi hat majai ba ladep, U Himanta Biswa Sarma, uba dei u heh duh ka North-east Democratic Alliance (NEDA), ula leit ban kanbas elekshon, ha Manipur.

Ha katei ka jingleit jongu, U Sarma, ula sangeh tyngeh ia ka seng NPP, kaba don lang ha ka kynhun jong ka NEDA, da kaba ong, ba ka seng NPP, ka dei ka seng, ka bym don ba ithuh satia.

Ha ka ka jingialang paidbah ha ka iew Wangoi ha Manipur, U Sarma, ula ong ong “Ka NPP, ka dei ka seng rit bad kam don bynta eiei ha ka sain hima baiar jong ka India”.

Na bynta ka seng Congress, u ong ba ka dei ka pisa kaba la jot. Nangta u iathuh ruh ba ka sorkar India, ka la pynioh ia ka Manipur, da ka ILP, namar ka jingsngew tieng jong ka Jylla, ia ka ain Citizenship Amendment Act (CAA).