Kaei ka dak ki jingjynjar?

AIS SUJA

Ka Dak ba la thikna bha bala sdang ki jingjynjar, dei tad haba ngin iohi ba la pynieng ia ka Temple kaba Lai ha Jerusalem bad ka long ka Dak ruh ba la sdang kata ka por jong ka shitaiew ka ba khadduh eh.

Te kiei kita ki Dak ki Jingjynjar? Kaei kane ka Temple kaba Lai? Bad kaei kane ka shitaiew ka Bakhadduh? To ngin ia peit: Haba ong ki dak ki Jingjynjar kamut ki Jingjynjar ki bympat ju jia mynno mynno ruh. Ka ktien u Blei ka ong kumne – “Naba hangta ka kordit bah kan long kat ka pyrthei haduh mynta em, lymne kan ym long shuh ruh”. Mathaios 24:21. Te lano kata ka por kaba kum kata kan jia? Ka ktien u Blei ka iathuh, tang shu sdang ban pynieng pat ia kata ka Temple kaba Lai ha Jerusalem. Shaphang kane ka Temple kaba Lai, U Blei u khlem hukum ia uno uno u syiem ban pynieng ia ka lane ia uno uno u briew, namar ka long ka kam jong u ksuid bad u soitan, bad ka jingkwah hi jong ki jiw ban ioh biang ia ka Temple ban ai Jingknia (Sacrifices) kum ha ki por hyndai. U Blei un ym shong ha kane ka Temple ka Balai. Hynrei ki Jiw (Israel). Kin Ioh shwa ban pyndon kam ia ka dakaba knia hapoh Temple tang Lai snem shiteng kumba la ong ha u Daniel, bad hamar shiteng jong kata ka por Ba shitaiew (7 snem) u Mrad khlaw un pynsangeh noh ia ki Jiw ban ai Jingknia ha kata ka Temple. Hamar kaba shiteng kata ka Taiew un (Mrad khlaw) pynduh noh ia kata ka Jingknia bad jingainguh bam, And in the midst of the week he shall cause the sacrifice and the oblation to cease and for the overspreading of abominations he shall make it desolation. Daniel 9:27.

Kumta ha kane ka pyrthei ka Temple un shong u Mrad khlaw u Briew ka pop u khun ka jingjot kein. Une u briew ka pop u khun ka Jingjot uba ialeh pyrshah bad uba pynsarong ialade pyrshah ia baroh bad ba la khot Blei ialade bad ba ju mane – kat haduh ba u shong ha ka Temple u Blei ha Jerusalem, u da leh Blei ialade. 2 Thessoloni 2:4. Bad kata ka Shitaiew pat kadei ka 7 snem kein kiba khadduh jong ki 70 snem ba la ong da u Daniel Nongiathuhlypa. Daniel 9:24-27. Kiba long ki por kiba khadduh khadwei Ia kane ka Pyrthei kaba mynta, ha shwa ban wan noh ka 1000 snem ka Jingsynshar u Jisu khrist hangne ha pyrthei. Ka long ruh ka por kaba khadduh ia ki Jiw (Israel) bad ia ka pyrthei hi baroh kawei. Namar ia kane ka pyrthei yn synshar khadduh ia ka da u Briew ka pop ne u Mrad khlaw, ha shwa ba u Jisu un synshar ma u 1000 snem ia kane ka pyrthei bad hapoh kane ka 1000 snem yn set byndi ia u soitan ba un ym ioh shukor ia ki briew. Jingpynpaw 20:1-2/ Jingpynpaw 21: 1-4.

Kumta, ki dak mynta ki kdew ba kata ka por ba jynjar tam ka la jan bad ba ka por ban pynieng pat ia ka Temple Balai ha Jerusalem ka la jan bad ka shitaiew kaba khadduh tam kala jan. Namar kata ong ka ktien u Blei – “To khmih bha kumno phi iaid ym kum kibym stad hynrei kum kiba stad, siew spah ia ka por kine ki long ki sngi kiba sniew. Ephesos 5:15.