Kaei ka bynta U EM Fishery ka KHADC?

Shillong, 20 Jylliew:
U Executive Member uba peit ia ka tnad Fisheries ka KHADC u bah Albinus Lyngdoh um shym la ioh bha ban shim ia ka bynta jong u kum u EM Incharge ha ing dorbar ka KHADC. Ia kane la iohi ha ka sngi sdang jong ka dorbar lyiur ka KHADC kaba la sdang mynta ka sngi.
Ka kong Teilinia Thangkhiew MDC ka Mylliem ka la wanrah ia ka jingkylli hato ka la don jingtyrwa ne-em ban pyn kylla ia ka Jingkieng Kalong kum ka jaka jngohkai pyrthei ryngkat bad kiwei pat ki jingkylli kiba ka la ban hynrei la iohi ba u bah Albinus u la ioh ban jubab tang shi kyntien ar kyntien hynrei ia ka bynta kaba dang jrong ban jubab la ieng hi noh da u Chief Executive Member ka KHADC u bah Pynshngaiñ N Syiem ban jubab ia ki jingkylli ka MDC ka Mylliem. Shuh shuh la iohi ba ha ka por ba la wanrah ha ing dorbar ia ka United Khasi-Jaintia Hills District Fishery (Second Amendment) Bill, 2016, u EM ka Fishery um shym la iohlad ban wanrah ia katei ka Bill da lade hi kumba long kiwei pat ki EM hynrei la wanrah ia katei ka Bill da u CEM.