Shillong: Ka Shaili Dhagat, kaba shong ba sah mynshwa ha Shillong, ka la jop ia ka nam kum ka Mrs International World Ambassador, 2019-20 ha ka jingiakob, kaba la pynlong ha Encore Melaka, Malaysia.
Ka Dhagat, ka sdang ia ka jingiakob ha u snem ba ladep ha Guwahati, ha kaba ka la jop ia ka nam kum ka Mrs India International Global bad ka dei katei ka lad, kaba ailad ba kan ioh ban leit iakhun sha Malaysia.
Ki don 30 tylli ki ri, kiba ia shim bynta bad kitei ki kynthup ia ka USA, China, Japan, Russia, Indonesia, Malaysia, Mexico, Hong Kong, Sweden, Hungary bad kiwei, ha kaba ka jingiakob, ka la long ha ka 28tarik Naitung.
La pynlong ia katei ka jingiakob da ka BRAVE Foundation, kaba ailad kyrpang ia ki kynthei kiba la don lok bad kiba shah ieh lok ba kin pyni ia la ki jong ki sap.
Ka Shaili, ka dei kaba shong ba sah ha Shillong, ha ki khyndiat sngi ba ladep, ha kaba u tnga jongka, u dei u nongniah liengsuin, uba trei ha Eastern Air Command jong ka Indian Air Force bad ka la ju long ruh ka nongthoh artikel jong ka The Meghalaya Guardian.
Phi don ban ong eiei?