Shillong:U nongialam ka liangpyrshah, u bah Ronnie V Lyngdoh, u la ong ba um tip eiei ia ka jingbym treh ka VPP ban don lang ha ka kynhun liang pyrshah hynrei ka VPP ka tip kham bha, halor kane ka bynta.
Ha ka por ba pyrshang ban thaw ia ka sorkar kaba khlem ka NPP ne ka BJP, mar ia dep ia ka elekshon, ka VPP kaba don saw ngut ki MLA ka la kloi ban iatreilang ha ka kynhun ryngkat ka UDP, TMC, Congress, HSPDP bad ki MLA shimet, hynrei kane ka la pulom noh hadien ba ki MLA ka HSPDP ki la leit ban iathaw sorkar bad ka NPP.
“Hooid, ha ka por ba thmu ban iathaw sorkar khlem ka NPP, BJP; mynshwa ka VPP, ka don lang tangba khlem poi sha ka thong”, la ong u bah Ronnie.
Haba kylli kaei ka jingsngew jong u ba ka VPP kam treh pat ban iadon lang ha ka kynhun liangpyrshah haba ha ka por ba thmu ban iathaw sorkar pat ka kloi, u bah Ronnie u la ong da kaba rymmuin, “Ia kata, hap kylli na u bah Ardent M Basaiawmoit”.
Lah ban kdew ba u bah Ronnie na ka seng Congress kaba don 5 ngut ki MLA, u la shah ithuh ha u Lamphang ka ïing dorbar kum u nongialam liangpyrshah, wat la ka TMC ruh ka don 5 ngut ki MLA kala dawa ban ai ia ka kam nongialam liangpyrshah.
kine ki nongmikhmat kiba bam armaloi kata ki long MDC bad long MLA ki la dei lypa ki khwan myntoi…ka Jingpyrshang u Dr Mukul Sangma ban pynduh pyndam ia kane ka bam armaloi kadei kaba dei eh ban pynduh..