Shillong:U General Secretary ka seng Khasi Students’ Union (KSU), u samla Donald V Thabah u la phah ka khubor kaba tyngeh sha ka Vishwa Hindu Parishad (VHP), da kaba ong ba lada ki sngew ba ki don jingkitkhlieh ia ka jinglong jingman ha kane ka Jylla, teh lakam shwa ia ki bar jylla bad ki dkhot ka VHP kiba iaid rally, kiba ïeng ha khmat ïingmane kiba hylla ia ki kyntien shit niam Jai Shree Ram ban pynshit ia ki paradoh parasnam kiba dang don ha ki jingiaseng.
U la ong ba lada ka VHP kam lah ban leh ia kane kamut ba kane ka seng kadei na ka bynta ka jingmyntoi jongno re, bad bynrap ba ka KSU kam smiej kam tieng bad kan nym ailad ban wan pynduh mynsiem bad thombor ia ki paradoh parasnam.
Ka VHP ha ka 2 tarik mynta u bnai ka la thoh sha ka President jong ka ri, ka Draupadi Murmu ban tuklar ha kaba iadei bad ka jingjia shah pynïap ki 2 ngut ki bar Jylla ha ka thaiñ Ichamati, bad kane ka seng ka la dawa ruh ban thung tohkit da ki tnat ka Sorkar pdeng kata ha ka CBI lane ka NIA, bad dawa ruh ban pynioh bai lutksan sha ka longïing ki ar ngut.
Halor kane u nongialam ka KSU u la ong ba ka KSU kam ju tuklar ia ki kam jong ka VHP sha ki jaka rithor, kumta ka VHP ruh kam dei ban tuklar ia ki kam hapoh ka Bri Hynniewtrep, bad lada ka VHP ka kam ba kadei kaba peit ia baroh ki nongshong shnong ka ri India, hynrei kaba lyngnngoh hangne ka VHP ka peit pynban ia ki poi ei ba ioh long nong India da ki kot ki sla, ym ia trai ri ha kane ka Jylla, bad kane ka jingleh ka VHP ka pyni ba ka don ia kata ka jinglong ba armaloi.
Shuh shuh u la ong ba VHP kam dei ka seng na kane ka Jylla, hynrei kadei ka seng nongwei bad kam dei ban tuklar eiei ia ka jinglong jingman ha ka Bri Hynniewtrep.
Lada ngim peitngor ia kane ka seng shit niam VHP/ RSS/Bajrang Dal tikna kane kan wanrah ka jingjia ba sngewsih kumba lah jia hapoh manipur…Ka jingleh jong kine ka long beit ban shu thombor iaki Christan..U paidbah u dei ban kynmaw ka jingiap ki missionary Australia hapoh orissa ba shah thang iap hapoh ka kali dei ka jingleh ka VHP..Kumno kane ka sorkar kam khein beain iaka ka karnataka govt ruh ka dang thmu ban khein beain ia kane ka seng.Ka RSS ruh lah khein beain mynshuwa haka sorkar congress.