Nongpoh: Ha kaba pynkut noh ia ka lympung ialehkai phutbol kaba la pynlong da ka Jatah Social Union Sports Club ha Madan ialehkai ka shnong Jatah ha Mawhati, ka Umsohlait Sports Club ka la ioh ban rah ia ka namlahduh, hadien ba ka la lah ban pynliem noh pyrshah ia ka Seng Samla Mawhati ha ka jingiakhun kaba la poi shaduh ka jingiashut Tie-Breaker.
Ia katei ka lympung ialehkai, la wan ban pynhap pyrda da u Bah Mayborn Rapthap, u Kyrtong MDC ha Mawhati Constituency na ka MCPC kum u Kongsan, ha ryngkat ka jingdonlang kiwei ki riew rangbah kiba kynthup ia u Bah Mathias Mynsong lem bad kiwei kiwei.
Ka Umsohlait SC kaba la ioh ban khur ia ka namjop, ka la ioh ban khung ia ka song pisa kaba T.30 hajar, katba ka Seng Samla Mawhati, kaba la shahrem noh ha katei ka Phainal, ka la ioh ban khung ia ka song pisa kaba T. 15 hajar.