Shillong:Ka shnong Umru ka don ha them ri Bhoi mihngi bad ka don ha khappud bad ka Assam, ha kaba ka don ka jingiatan tyllai na ka jingiakam ia ka jaka.
Namar kane ka daw, haba ki skhim ki wan na Meghalaya, bunsien ka Assam ka ujor bad kila sahngeh noh shwa bad kane ka la ktah ia ka roi ka par jong katei ka them kaba seisoh bad kaba itynnad.
Ka shnong Umru ka jngai tang kumba 1km eiei na Tyrso bad ban poi sha kane ka shnong, hap ban iaid da ka surok khohruh khohram bad kane ka shnong ka hap ha Mawhati konstitwensi.
Haba kren bad ki nongshong shnong kila iathuh ba bunsien ki kam pynroi kiba la ioh na Meghalaya ki sahkut noh na ka jingujor ki briew na ka liang ka Assam.
“Ngi sah ha ka shnong Umru kaba hap ha Khyrim Syiemship, Ri-Bhoi. Haba ngi phai sha ka roi ka par, ngi la pyrshang ban shna ia ka Community Hall na Meghalaya hynrei ka don ka jingjor na ka Assam bad ngim lah ban pyndep”, la ong u Rangbah Shnong u bah Daktring Mangu.
U la pynpaw ia ka jingsngew diaw ba ha kane ka por ba wan ki sim kbeit ne Amul Falcon, ki briew ki wan ban peit kai hynrei ka long ka jingsngew lehrain ba tang ban pdiang burom ha iing dorbar ruh ym don, ki ben ruh ym don.
“Ngi don ha ka jingiatan tyllai, hynrei ngi kwah da kaba shai ba ka Umru ka dei ban don sha Meghalaya, wat haduh mynta, ki Job Card la ioh na Meghalaya hynrei ym ioh ban pyndep ia ki jingtrei ba shah ujor ha ka Assam”, la ong u Rangbah Shnong.
U la iathuh ba ha kane ka shnong, kumba 35 tnum ïing ki dei ki Khasi, katba 100 eiei ki tnum iing ki dei jong ki Nepali.
Haba kren bad ki longkmie, kila iathuh ba ka jingeh ka long ba haba wanrah skhim na Meghalaya, ka Assam ka pyrshah beit. Kila pyntip ba ki pulit ka Assam ki pyrshah ba wanrah ia ki skhim na Meghalaya kum ka jingshna ia ka iing dorbar, ka iing skul bad ka jingshna surok.
Kila pynpaw ba watla ka Meghalaya ka ai ia ki kam pynroi hynrei kim ioh lad ban pyntrei bad ka surok ruh ka sah khohruh namar ba pyrshah ka Assam.
Ki briew na ka Umru ki wan iew sha Tyrso bad sha Bhoirymbong kaba kham jan tam ha katei ka thain.
khlem ka jingialeh kam don ka jing jop..khlem ka tdem um lah mih ding…iakhun bad iakhun dei tang katta kum u Mizo, Naga…Ban ap naka sorkar meghalaya da lei2 phi nym ioh eiei..wanrah ia uto uba phi lah jied…Tan ia uto MLA/MDC/kita Women’s commission/ki seng baroh bad wat leit thep vote hangno2 kumba leh ki naga ENPO (Eastern Naga People’s organisation) ba um ioh ka roi ka par…Lada shah jem katta te phi duh nong hi