Ka Umroi ka la kyntait ia u bah George Lyngdoh, u nongmih khmat u nongialam ba tbit bad u nongiasaid dorbar ka jylla. Ha ki san snem ba la dep, wat la u la pyni shisha ia ka jing tbit jong u, kum u nongmih khmat u nongialam u ba shem phang bad uba ju ieng ban iasaid hapoh assembly na ka bynta ki jing eh bad jing donkam jong ki paidbah ka umroi constituency, ka them ri bhoi bad ka jylla hi baroh kawei.
Hynrei ki paidbah ka Umroi constituency kim shym la burom ia ka jing tbit jong u kum u nongialam, ki paidbah ka umroi constituency ki la shah pyn thame bad shah ialam bakla ha ki wei ki wei ki rukom leh ki bym shong hok ha ka por election. Ha kane ka rukom ka iap noh ka sur jong ki paidbah ka synshar khadar paidbah ( democracy). Hangne ka paw ba ki paidbah ka umroi constituency ki kham lah bad kham burom ia u briew uba lah ban ai bad iarap ha ka por election ban ia u briew uba ju ieng ban iasaid bad kren na ka bynta ki jing eh bad jing donkam jong ki paidbah hapoh assembly.
Ha ki san snem ba la dep, ka sur jong u bah bah George Lyngdoh ka sawa jam bad ka umroi constituency ka paw bha hapoh assembly da ka jing don jong u kum u nongmih khmat u nongialam ka thain, u dei u wei na ki nongmih khmat ba paw bha hapoh ka jylla uba ju ieng ban iasaid bad kren ia ki jing eh bad jing donkam jong ki paidbah halor ki mat ki ( ki issue’s ) bapher bapher. U bah George Lyngdoh, u dei u na ki nong ialam ba tbit uba lah ban ialam ia ka jylla kum u myntri rangbah jong ka sorkar jylla ha ka wei ka sngi, lada ki paidbah ka umroi constituency kin dang ailad bad jied ia u kum u nongmih khmat, ba u dei u briew u ba tbit , uba shemphang, uba shlur bad uba nud ban kren ia ki jing shisha. Ka nuksa ba la jia ha umroi constituency ha ka election ba dang shu dep, bad ha ki wei ki wei ki constituency ruh kumjuh. Ka jing pynthame bad ka jing pyndonkam palat lyngba ka pisa, lyngba ki jing pyn dih buaid bad ki wei ki wei ki rukom leh ki bym shong hok tang ban jop election. Ka pynduh mynsiem bad pyn duh jingkyrmen khamtam ia ki khun samla kiba don ka jing thmu ba bha na ka bynta ka lawei ka imlang ka sahlang ha ka ri bad ka jaitbynriew, ban shakri ia ki paidbah, ban long ki nong synshar ha ka imlang ka sahlang lyngba ka jinglong nongmih khmat MLA, baroh kin sa rieh lut namar wat la ki don makna ki kyrdan pule kiba biang tang namar ba ym don pisa ban ialeh election.
Albert Maring
Sngew bitar ka jing biej sat jongki
Dei na ka party ba ki paitbah kim mon, ym dei ba ki kyntait ia u briew, u briew lei uba biang palat.
U bah George u shah rem namar ba u kyntait ia ka arty ba u ka jong u,u la ju don.Ki paitbah kim tip ia ka party West Bengal…
Ha Assembly te ka dei kn hynrei ki paitbah ki kwah ruh ia u briew uba trei na ka bynta jong ki. Ha ka election baroh ki candidates ki hap ban pdiang ia ka rai u paitbah ym ban shu bein bieit ne rhah pisa ia kiwei . Kaba kongsan hi katkum ka jingiohi jong nga ba lada u dei uba la stad um dei ban bein ia kiwei hynrei ban pyni iala ki mat ki jura hakhmat u paitbah. Namar ka ktien ka ong sdang shuwa na la ing u bit bha ban kren ha Assembly hynrei u duna ban kren ne pynsngewthuh ia la ki briew ka Constituency.
to kham lah ma phi uba la bsa khun na ka npp bah Dap.. namar da u trei u bah George ruh phim kwah iohi bad kwah peit.
.