Nongpoh: Ka kyrwoh kaba la phah da u bah Poipynhun Rynghang, President ka National People’s Youth Front, Umroi Block, u la ong ba ha ka jingialang kaba la long hynnin ka sngi Saitjain ha Umroi, ki nongkitkam ka NPYF, ki la pynpaw ba ki kwah ba u Damanbaitbha Lamare, khun jong u Ma Ngaitlang Dhar, ba un long kum u kyrtong na ka NPP ha kane ka ilekshon 2023 na Umroi Constituency.
Ki nongkitkam ka NPYF Umroi Block, ki la ong ba ki kwah eh dik dik ba u Damanbait Lamare, ba un long kum u kyrtong na katei ka Konstitwensi bad lada jia ba ki heh ka NPP, kin ailad ia u kum u kyrtong, na ka liang jong ki, kin sa trei shitom bad ban pynjop don burom ia u na katei ka Konstitwensi ha ka ilekshon 2023 na ka Party NPP.
La pynpaw ruh ba kitei ki nongkitkam ha ryngkat ki nongkyrshan ka NPP Youth na Umroi, ki kwah eh ba ki heh ka NPP kin ai sha utei u khun jong u Ma Ngaitlang Dhar, ba un long kum u kyrtong na katei ka Konstitwensi, da kaba pynkynmaw ruh ba ha ka por jong ka jinglong MLA u Ma Ngaitlang, ka Umroi ka ioh shibun ki kam pynroi, kumta halor kata ka nongrim kaba la pynlong ia kitei ki nongkitkam ka NPYF ba kin kwah ba u Damanbait Lamare ba un shimti ia kaei kaba la ialam da u kpa, kata na ka bynta ban pynpoi ia shibun ki kam pynroi ha Umroi Constituency, khnang ba kan da long shisha ka jingmyntoi ia ki paidbah.
Waw ioh long kum u dasakhiat mla mawhati ioh jah kwah dang lah u george