Ka Umngot, ka wah kaba khuid tam ha pyrthei

Shillong:Ka Central Ministry ka la peit bad ïohi ïa ka jinglong bakhuid jong ka Wah Umngot. Ïa katei la ïohi lyngba ka dur ba la buh da katei ka Jal Shakti Ministry hapoh ka Tweeter.

Katei ka Jal Shakti Ministry, kaba shimkhia halor ka jinglong ki tyllong um jong ki Wah, ka la lap da lade ba haduh katno ka jinglong khuid jong katei ka Wah Umngot.
Hapoh ka tweet kaba la buh hapoh ka shnat treikam, ha kaba ka ministry ka la pynmynta ïa ka dur jong ka lieng kynda kaba per bad ïaid halor sla um jong katei ka Wah ha Meghalaya.

Katba lah tip da baroh hapoh ka jylla, ka jingkhuid palat jong ka um ka la long kumba ïohi paw ba ka lieng ka per hajrong ka lyer.

Katei ka jingkren hapoh tweeter ka la ïoh ki jingkynthoh bad jingïaroh jong ki hajar ngut ki nongpyndonkam Tweeter.
Na ka liang ka Ministry ka la batai ïa katei ka Wah Umngot kum kawei na ki Wah kaba khuid tam ha ka pyrthei.