Ka Umkei SC kum ka lahduh, ha ka phutbol kaba la pynlong da ka MRAYS&SCO ha Mawrong

Nongpoh:Ka Umkei Sports Club, ka la ioh ban rah ia ka namlahduh ha ka 1st Knockout Football Tournament.

Ka lympung ialehkai phutbol kaba la pynlong da ka Mawrong Road Area Youth Sports & Socio Cultural Organisation, kata hadien ba ka la lah ban pynliem noh pyrshah ia ka Mawlyng khung Sports Club ha ka jingiakhun kaba la poi sha ka jingiashut Tie Breaker.

Kiba la donlang ha kaba pynkut ia katei ka lympung ialehkai phutbol,ki kynthup ia u Dasakhiatbha Lamare, MLA ka Mawhati kum u kongsan, u Bah PM Marbanniang, DSO ka Ri Bhoi, u Bah R. Kharkongor, EE PWD Umsning, U Bah Pynbhalang Syiem, President jong katei ka synjuk kaba la pynlong ia katei ka lympung lem bad shibun kiwei pat ki riew rangbah katei ka thain.
Ka Umkei SC, kaba la ioh ban rah ia ka namlahduh, ka la ioh ban khur ia ka pisa kaba T. 20 hajar lem bad ka Trophy, katba ka Mawlyngkhung SC kaba la shah rem noh ha katei ka phainal.

Ka la ioh ban khur ia ka song pisa kaba T. 10 hajar lem bad ka trophy.
Ha katei kajuh ka sngi, u Dasakhiatbha Lamare, u la lah ban noh synniang T. 20 hajar ka pisa kaba long kum ka jingiarap sha ka skul Upper Primary School kaba don ha Mawrong, khnang ba kin ioh ban maramot ia katei ia katei ka skul.