Ka Umiam PS bad Cantonment Area Umroi ki jaka ba bun kiba ioh ia Khlam COVID-19 ha Ri Bhoi

Nongpoh: Ka Kong RM Kurbah, Deputy Commissioner ka Ri Bhoi, ka la iathuh ba ha Ri Bhoi, mynta ki dang don haduh 329 ngut ki briew kiba dang don ia ka khlam COVID-19 bad ki la don haduh 445 ngut kiwei pat kiba la ioh jingkoit na ka khlam COVID-19.

Haba batai pat ia ki jaka kiba jur ka jingshah ktah, ka Kong RM Kurbah, ka la iathuh ba ki jaka kiba la shah ktah eh ha ka khlam COVID-19, ka dei hapoh ka Umiam Police Station bad kaba la khang noh mynta shipor bad kawei pat ka dei ka Cantonment Area ne ka jaka sah ki Shipai kaba don ha Umroi.

Namar ka jingnangkiew ki briew kiba ioh ia ka khlam COVID-19 hapoh ka Distrik, ka Kong RM Kurbah, ka la kyntu ia ki paidbah hapoh ka Distrik ba kim dei ban sheptieng lane syier, hynrei ki dei pat ban shimkhia ha ka ban iada ialade da kaba kiar na ki jaka ba bun paid bad ruh ba ki dei ban deng ia ki Facemask haba ki mih shabar bad ruh ba ki dei ban sait ia ki kti barabor, khnang ba ki lait ialade na ka khlam COVID-19.