Ka UDP Pynursla ka skhem, kam ki nongialam

Shillong, 1 Jymmang:
U Acting Secretary ka UDP u bah Ryngkat Lyndem ha ka kyrwoh khubor u la ong ba ka UDP ha Pynursla Circle ka skhem bad ka tylli mlon hapoh ka jingialam jong ka President ka kong Banalari Khongwar. U la ong ba ki 4 ngut kiba mih na ka seng ki dei kiba la shah weng na ka kam ba ki bat bad la pan jingpynshai ruh na ki. U la ong ba Circle ka la ioh pdiang ia ki shithi na ki unit bapher bapher kaba pynpaw iaka jingshaniah kaba radbah haka jingialam jong ka Kong Banalari Khongwar kum ka President bad ki pynpaw ia ka jingbitar halor ka jingleh arsap kine ki dkhot kiba pyrshang ban ialam bakla bad thew ruh ban pynpait iaka Party. U la ong biang ba u Bah Emming Khongngai, Executive Member ruh u don ryngkat bad ba u ruh u lah mih na ka Party ka long ka bym dei, namar u Bah Emming u lah pynshai ba kam don jingshisha ei ei ruh namar dang shen u pynpaw ia ka jingshaniah kaba skhem haka jingialam ka President, lyngba ka shithi kaba lah soi da baroh ki nongialam jong ki unit hapoh Circle.