Ka UDP ka la pynkhreh na bynta u 2023, shen yn sa pynbna ia ka kyrteng ki kyrtong, ong u President ka UDP Ri Bhoi

Nongpoh: U Bah Donbok Khymdeit, MLA barim ka Mawhati Constituency bad uba dei ruh u President ka UDP ha Ri Bhoi, u la ong ba ka Party ka la long kaba la pynkhreh na bynta ban aireng ha kane ka Ilekshon 2023 na ki 5 tylli ki Constituency kiba don ha Ri Bhoi.

Ha kane ka kynti kaba mynta, ka Party ka la long kaba la pynkhreh lypa bad nalorkata kaba la ioh ruh ia ki Kyrtong kiba biang eh bad kiba don jingkyrmen ban poi sha ka thong ha ka Ilekshon 2023.

Utei u nongialam ka UDP, um shym la pat pynbna ia ki kyrteng jong baroh ki kyrtong, ki ban sa aireng na ka Party ha ka Ilehshon ka ban sa long shen, hynrei na ka jingkren jong u, la sngewthuh ba kin sa don shibun ki riew pawkhmat bad kiba la long teng ki Nongmihkhmat paidbah na Ri Bhoi, ki ban sa wan pyniasoh noh ialade sha ka Party UDP.