Ka UALA, ka seng dawa pisa, kynnoh ka ANVC-B

Shillong, 12 Nailur:
Ka ANVC-B ka la kynnoh ba ka seng UALA ka dei ka kynhun dawa pisa, ym kum ka ANVC-B kaba don ki nongialam kiba sngewthuh ia ka jingshisha na ka bynta ban wanrah ia ka jingkylla ha ka imlang sahlang.
Ha ka kyrwoh ba la pynlait hynne, ka ANVC-B ka la ong ba ka polisi jong ka ANVC-B ka iapher na kiwei ki seng namar ba ka don ki nongialam kiba shemphang kiba kwah na ka bynta ka imlang sahlang.
“Ka UALA kam dei ei ei hynrei ka seng ki dakaid ki bym map satia wat ban tuh T. 5 na kiba duk bad ki dei kiwei kiba bteng ia ki kam lute bad dawa pisa na ki paidbah da kaba pyndonkam ia ka kyrteng ong ka ANVC-B” la kynnoh ka ANVC-B ha ka kyrwoh.
Katkum ka jingpynlait khubor, ka ANVC-B ka la kam ba ki dkhot kiba don da ki spah hapoh ka jingialam jong u Chairman mynta ki tip ia ka jingmut ba shisha kum ki nongiakhun ia ka jingkylla.
“Ngim donkam ban long kum ki nongialeh ia ka jingkylla da ka rukom lehnoh, bad kane ka long kumno u Norok bad u Jagring kim iadei ban long ki dkhot ka ANVC-B bad ki la phet bad shah pyniap, tuh, rahbor bad kylla kum ki runar. Baroh kine u Norok bad u Jagring ki dei ki khawpud kiba duna ka jinglong nongialam bad kim lah ban neh slem” la ong ka ABVC-B ha ka kyrwoh.