Bah Monarch Shabong
Ka tnat pyniaid kali jong ka sorkar Jylla, ka la pynmih ia ka hukum kaba thymmai, kaba maham ia ki taksi, ba kim bit ban saitlah ia ki nongshong taksi, lane kaba mut, ba ki dei ban leit on, sha ka jaka, kaba u nongleit jingleit u donkam bad ba kam dei ba un leit u nongshong taksi, sha ka jaka, kaba ki kwah leit ki nongniah.
Kam dei tang katta, ka mih shuh ka hukum, ba kim dei ban kit briew palat pud lane ban khein palat ia ka dor, na kaba la buh da ka sorkar Jylla.
Ka shong taksi shisha ha Shillong, ka la dei ka sobjek, kaba jnang ban batai ha ki kyntien briew lane kaba dei ruh, kaba pynmih ia ki biria kiba da ki spah jait bad kiba long khor bad kiba long khlem akor ruh; hynrei wat la ki jia katta ruh, ngi iohi ba ka sorkar Jylla kam pat pei shkor lane kam kwah ban tuklar.
Kan myntoi aiu ka ain khang dih kyiad, ka ain deng seat belt, ka ain niah suki, na ka ain tah iit iong, haba ka taksi, kaba dei ban shong 4ngut ki briew, la iohi, ba ka dang kit da ki phew ngut bad ka jingleh pohjait, kaba la jubor tasam, khamtam ia ki khynnah, ki khynnah skul, ha kaba la shu thep ia ki, kumba thep niut.
Ki ain kiba ka sorkar Jylla, ka thaw, la iohi, ba kim thew satia, na ka bynta ka suk ka sain, ka leit ka wan jong ki paidbah, hynrei ka dei suda ka ain jong ki nongniah taksi, ha kaba wat u trai ruh, um ioh kamai tam ne myntoi eiei.
Ka Shillong, ka dei ka nongbah tip briew tip blei bad kaba ki nong leit jingleit, ki dei kiba hok bad kiba khuid jingmut shisha; hynrei ban da dei kum sha dkhar, ban ia shong tyngkhap bad shynrang bad kynthei ha kajuh ka taksi, kat ban da hiar te la jot ka met bad la jot ka pla pisa ruh.
Hangne, ngi donbok, ba ki dang don ki shynrang briew, kiba niew burom bad kiba dang shynrain ban leh tohmet ia ki kynthei khynnah; wat la katta ruh, haba ia bun lei bad ki briew kiba nabar, la iohi, ba ka jing ia shong taksi shisha ka long kaba la pynjah burom, namar ba ka jing ia ktah, ia kyrshut met, ka long ka bym lah lait shuh.
Ka sorkar India, ka la pynmih da ka kyndon kaba eh tasam, ia ki nongniah kali bad ka don ka daw hangta bad ngim tip, la ka sorkar Jylla, ka pdiang ne ka mynjur ia katei ka ain, tangba ka kit palat pud, ka shim dor tam bad ka kyntait ban leit jingleit, ka dei kaba jyllei tasam ha Shillong.
Lada jia ba shong tang marwei na iew Sha rynjah kador 20/- mano ban bsa iaka ing ka sem ki driver taxi mano ban thep umphniang lem. Lada ka ain ka Ong 20/- na pb ha barik mano ba ai. Nongthoh khlem jabieng. Pyrkhat lem ia kiwei wat sngew stad ba I biej pynban.