Ka tnat kam don pisa, ban ker ia ki transformer ha ki nongkyndong, ong U SMR

Shillong: U Bah Prestone Tynsong, Symbud Myntri rangbah myntri u ba dei peit ia ka tnad bording, u la iathuh, ba na ka liang ka tnad ka la dep ban bthah ia u CMD ka MeECL ban lum jingtip halor ka jingjia shah bat bor ding ki ar ngut ki heprit.

Haba ia kren bad ki lad pathai khubo,r na ka liang u bah Tynsong, u la ong ba halor ka jingjia kito ki khyllung na ka jingbat bording na ka liang ka sorkar, ka la dep ban bthah sha u CMD ka MeECl ba u dei ban lum tip na ki bor District.

U bah Prestone u la pynshai “Ka tnad ka donkam ban ioh ia ka kaiphot na u BDO, u Deputy Commissioner bad na ka Police Station bad kin phah ia ka kaiphot sha ka MeECL bad ka MeECl kan phah sha inspectorate electricity bad hadien kane na ka liang ka tnad kan sa phah ia ka jingiarap sha kine ki khyllung”. Haba kylli halor ka jingbym lah jong ka tnad ban kiar ia ki transformer kiba don ha ki thain nongkyndong u bah Tynsong u la kubur ba ka tnad kam don pisa, bad kan dang donkam ia ka kaiphot jong ki field ophisar.

“Ka dei ba ka tnad kam lah ban ker lut ia baroh ki transformer ha ki khlaw ki btap, hynrei na ka liang ka tnad ka la bthah ia ki Field Ophisar bad ngi la ai ka jingbthah ba ia baroh ki transformer kiba don ha pdeng ki shnong dei ban ker khnang ban lait na ka jingmynsaw ia ki khyllung khynnah”u la ong. U la bynrap shuh shuh “Wat la ka tnad kan ym pat lah ban ker shisien ker ia baroh ki transformer, hynrei ngi la phah ban ker noh shwa ia kito ki tranfomer kiba don hapdeng ka jingma”.

Lah ban pynkynmaw ba ki ar ngut ki heprit kynthup ia uwei u heprit u ba dang 5 snem ka rta na Eastern West Khasi Hills District, u ba la duh ei ia la ka kti ka mon na ka jingshah bat ha ka bording bad kumjuh iwei i heprit i ba dang lai snem ka rta na South West khasi Hills District ruh i la duh ei ia baroh ar tylli ki kti na ka jingshah bat ha ka bording.