Ka tnat ka long kaba la pynkhreh, ia ka bynta ba lai jong ka khlam, ong u myntri

Shillong:U myntri ka tnad ka koit ka khiah, u James PK Sangma u la ong ba wat la ha ka jylla, ka khlam ka la duna, hynrei na ka ka tnad kan ym pat lah ban khein sting bad ka tnad ka la long ruh kaba la pynkhreh ban ia khun ia ka bynta balai jong ka khlam, lada ka wan lynshop biang.

“Ngi buh ka jingkyrmen ba ka bynta ba lai jong ka khlam kan ym wan lynshop shuh ia ka jylla, hynrei lada ka wan na ka liang ka tnad ka la long ka ba pynkhreh”la ong u Sangma.

U myntri ka tnad ka koit ka khiah, u la ong ruh ba na ka bynta ki program jinglehkmen (Festival)na ka liang ka tnad ka la phah ia ki bad ki kyndon, bad na ka liang ka tnad ruh kan long kaba peitngor ban pynthikna ba ki briew kin lait na ka khlam Covid.

Lah ban kdew hangne ba ha ki sngi ban wan ar tylli ki program lehkmen ki ban pynlong da ka sorkar jylla kum ka Megong festival ha Garo hills, kaba la sdang mynta ka sngi ka 18 tarik u Naiwieng 2021 bad ka ban kut ha ka 21 tarik u Naiwieng 2021 bad kawei ka long ka Cherry Blossom festival ka ban sdang ha ka 25 tarik haduh ka 27 tarik u Naiwieng 2012.