Ka thymmei jong ka coronavirus, ka dei na Wuhan, phla ka China

Ka China, mynta ka la pdiang, ba ka la lap ia ka jingpang coronavirus, ha ka nongbah Wuhan, ha ki kut bnai jong U Nohprah 2019. Katei ka dei ka jubab, kaba la dier por shibun bad kaba katei ka ri, ka la iai pyrshang ban buhrieh shaphang ka thymmei jong katei ka jingpang khlam ba shyrkhei.

Ka jingiap briew ha China, ka la poi sha ka 3,331 ngut bad kiba ioh pang iabit, ki la poi sha ka 81,740, ong ka National Health Commission (NHC) hynnin ka sngi. Ki don 1,299ngut ki briew, kiba dang shah sumar haduh mynta bad sa 77,078 ngut ki nongpang, kiba la koit na katei ka jingshah sumar.