Ka thylliej ding, kam shym la bam duh ia ka pansngiat shiah jong U Khrist ha Paris

Ha ka jingkem ding, kaba la jia hynnin ka miet ha ka iingmane bah ki Katholik, ka  Notre Dame, la iathuh ba ki don bun ki tiar ba remdor, kiba don ha katei ka iing mane ba la 850snem ka rta, kiba la lah ban shah bam duh ha ka ding, hynrei la iathuh ba kawei na ki tiar ba remdor, lane ka pansngiat shiah jong U Jisu Khrist, kam shym la ing satia, wat tang khyndiat eh ruh bad ka lait na kano kano ka jingpynjot jong ka thylliej ding.

Ka pansngiat shiah, kaba la pyndeng ha ka khlieh U Jisu, kam shym la ing satia.

La iathuh ba U Jean-Marc Fournier, uba dei u heh jong ka tnat pynlip ding ha  Paris, ula leit mar mar sha ka jaka, kaba don ka pansngiat shiah jong U Jisu Khrist bad ula weng noh ia katei ka pansngiat na katei ka jaka.

Ka Mayor jong ka Paris, ka Anne Hidalgo, ka iathuh ba ka pansngiat shiah, ka lait na ka jingbam duh jong ka ding bad nangta ki don sa kiwei pat ki tiar remdor kiba lait na ka jingbam duh jong ka ding.