Ka thma Ukraine, ka la dei ka jingduh kaba jubor tam iangi, ong ka Russia

Ka Russia, ka la mynjur ba ka la duh shibun ki shipai jongka, ha ka jingialeh thma bad ka Ukraine bad ia katei, la pynthikna, da u nongkren jong ka sorkar Russia, U Dmitry Peskov, ha kaba ula ong “Ngi la duh shibun bah ki shipai” ong U Peskov, ha ka jingiakren bad ka Sky News bad u ong “Ka dei ka jingduh, kaba jubor tam ia ngi”.

Ka jinghiar thma jong ka Russia, ka la pynlong ia ki 4 million ngut, ki nong Ukraine, ba kin phet krad na la ka jong ka Ri bad nangta sa shibun kiba la shah pyniap ne kiba shah pyn mynsaw bad sa kiba bun ki shnong bad ki nongbah, kiba la shah pynjulor thiaw.

Mynta ka Russia, ka mad ia ka jingshah khanglad ban ia khaii bad kiba bun ki ri sepngi bad kumjuh ia ki nongialam bad ki heh spah jongka, kiba la shah knieh ki jingdon jingem jongki, ha ki ri sepngi.