Ka thain Nongtluh ha Umden, ka la ioh jing ithuh kum ka Eri Silk Village

Nongpoh:U Bah Mayrald Born Syiem, MLA Nongpoh, u la khot la wer ia baroh ki paidbah ka thain Nongtluh ba ha ka 12 tarik mynta u Bnai, ba kin wan ban sakhi ha ka sngi ba ka sorkar jylla, kan pynbna ba ia ka thain Nongtluh yn ithuh noh kum kata ka Eri Silk Village ne ka jaka kaba pynmih ia u Niangryndia bad ia ki Jain Ryndia.

Haba iadei bad katei ka jingioh ia ka jingithuh kaba kyrpang, u Bah Mayrald born Syiem, u la kyntu ia ki paidbah ba kin mih ryntih ha katei ka sngi, namar u Bah Banteidor Lyngdoh, Myntri ka sorkar jylla lem bad kiwei ki heh na ka tnat Eri Silk kin sa hiar sha katei ka thain, na ka bynta ban pynbna ba katei ka thain yn sa tip kum ka jaka kaba pynmih ia ki khniang bad jain Ryndia, ka ban sa wanrah ia ka nam kaba khraw eh ia katei ka thain.