Shillong,12 Nailur:
U Covernor jong ka SOMALA u la ong ba ka jingthmu jong ka sorkar ban pyntreikam ia ka tenancy Act ka long tang ban sam iing sam jaka ia ki bar jylla.
Ha ka kyrwoh khubor ba la pyllait da u W Anthony u Covenor SOMALA u la ong ba ka tenancy Act kan pynkha pynroi ia ka jingwantuid ki bar jylla ym ban iada na ka jingwantuid ki bar jylla.
U la ong ba ka jingleh bymsuidniew jong ka sorkar ban ri ban iada ia ka jaidbynriew da kaba leh sting ia ki kyndon jong ka Meghalaya Land Transfer Act ka la wanrah ia ka jingjot ia ka jylla.
Dei na kane ka daw ba sa mih ka jingiakhih ban dawa ban pyntreikam ia ka Inner Line Permit ha kane ka jylla, la ong u Bah Anthony.
Ka jingkylli ka long don mo ki bym pang nud bad pang mynsiem haba peit ia ka ri bad ka jaitbynriew kumba ka long mynta ne la sur matlah ia ki khmat jongki, la kylli ka SOMALA.
U la ong ba kumba long mynta donkam ia ka ILP ban pyntreikam ha ka jylla bad ha kajuh ka por dei ban pyntreikam ia ki kyndon kiba don ha ka LTA ban iada ia ka jingwan buhai shnong ki briew kiba nabar. Lada ka sorkar ka dang ieit shisha ia ka ri bad ka jaitbynriew, ka dei ban pyntreikam beit ia ka ILP kumba la ai jingmut da ka High Level Committee on Influx ba la aiti da ka sorkar kham mynshwa ia kane.
Phi don ban ong eiei?