Ka synduk ba bret pathar ia ki injek, dei ka jong U Dr P Lyngkhoi, ong U DC

Shillong: U Deputy Commissioner jong ka West Khasi Hills District u bah T. Lyngwa mynta ka sngi, u la iathuh ba hadien ka jinglap ia ki injek ki ba la dep pyndonkam ki ba la bret pathar haruh surok jong ka Shnong Ksehkhohlong ha ba tohkit la lap ba kat kum ki kot ki ba don ha kine ki 3 tylli ki synduk ki dei jong u Dr P.Lyngkhoi.

Kum ban shu pynkynmaw mynhynnin ka sngi, ki katto katne ngut ki khynnah na ka shnong Ksehkohlong ki la lap ia ki 3 tylli ki synduk ki ba dap da ki nar injek kiba la dep pyndonkam ki ba la lap ba ki la bret pathar sharud surok jong ka ne ka shnong. La iathuh ba ia kine ki nar injek ki ba la bret pathar harud surok jong ka shnong Ksehkhohlong la leit ban shimti da ki pulit jong ka Nongstoin mynta ka sngi ha ka jingiadon lang ki magistrate.

Ha kane ka jingleit shim jong ki pulit ia kine ki nar injek kiba la bret pathar ha shnong Ksehkhohlong, kaba long tang 11 km shuwa ban poi sha Nongstoin la don lang ruh ki riew rangbah na ka shnong bad la bthah ia ki nongkit kam ka shnong Ksehkhohlong ba kin ai ruh ia ka jingujor.

Na ka liang jong ka shnong Ksehkohlong ka la ai da ka FIR sha Nongstoin Police Station ha kaba ia dei bad kane ka jingbret pathar ia kine ki nar injek ha katei ka jaka.

Ha kane ka FIR kaba la ai da ka shnong ka la kren shai ba kine ki nar injet ki ba la bret ha katei ka jaka ki dei jong u Dr. P Lyngdkhoi kat kum ki jing ioh ia ki kot ba donlang ha kine ki 3 tylli ki synduk.

Na ka liang jong ka shnong ka la pynpaw ia ka jing sngewbitar na ka jingwan bret pathar kumne.Ia ka FIR la ai sa sha ki pulit mynta ka sngi la soi da u bah A Lyngdoh Secretary bad u Sordar shnong u bah L Lyngdoh kiba hap hapoh jong ka hima Myriaw Syiemship.