Ka surok sha Mawmaram, Diengiei, ka rong, kaba lah ban khoh snep, da ka kti

Shillong:Ki nongialam jong ka Hynñiewtrep Trep Youth (HYC) Circle ha ryngkat ki nongialam jong ka HYC Krang Unit ha ka 2 tarik u Risaw, ki la leit ban jurip ia ka Surok kaba iaid naduh Mawmaram,Nongthliew, Mawmih, Diengïei, Mawlyndep haduh Umsaw.

Kane ka Surok ba la pyntrei da ka M/S Tonor Engineering Sunshine Sawkmie Pvt naduh u snem 2020, hynrei kane ka Surok ka la sdang jot noh bad ka la don ruh ka jingpyntrei torti ia kane ka surok.
Katkum ka jingsaphriang jong ki video, la iohi ba ka jingsiang rong ia kane ka surok ka long ba tang na jrong, hynrei lah pat ban khyllie ia ka rong tang da ka kti, khlem da pyndonkam da ki nar, haba iadei bad kane ka surok la pyntrei torti bad kane ka Surok kan buh jingma ia ki paid nongrep kiba iaid ba ïeng ha ki thaiñ Diengïei.

Na ka liang jong ka HYC Diengïei Circle, ka kyntu ia u Kontraktor ba pyntrei ia kane ka Surok ba un siangrong bad weng lut noh ia kaba la dep baroh bad hapoh shitaiew dei ban ai ktien sha ka seng haba iadei bad kane ka kam.

Ka seng ka la buh ruh ka jingkyntu ia u MLA jong ka Sohiong Constituency, ba un tuklar haba iadei bad ka jingsiang rong ia kane ka Surok, namar ka Surok ka dei u budlum jong ka roi ka par la pynpaw u nongialam jong ka HYC.