Ka surok, kaba da ka ktieh sha Mawlai Umshing

Shillong, 03 Naitung:
Ka Mawlai Umshing, ka dang dei ka bynta jong ka sor bah, kaba hap ha ka dorbar shnong Mawlai, hynrei, haba peit ia ka jinglong jong ka surok, ka long kaba la i synei sat, ha kaba ka dei kaba dap da ka ktieh kaba i shyrkhei sat bad kaba la pynthut ia ka leit ka wan jong ki paidbah jong katei ka Shnong.
Ban iarap lem ia ki nongshong, kumta U Bah B.L.Nongbri, Chief Organiser KHNAM Mawlai Circle u la noh synniang jingiarap jong u da ki maw siang surok ia ka Shnong Mawlai Umshing myn ha ka sngi Thohdieng jong ka taiew ba la dep ha ka jing iadon ryngkat u Rangbah Shnong, Secretary Shnong, ki Rangbah Dong bad ki nong shong shnong.U Bah B.L.Nongbri mar ia ioh jingtip na ki nongkit kam shnong jong kane ka Shnong ia ka jingud bad jingjynjar ba ki nong shong shnong jong kane ka thain ki ia kynduh bad kane ka lynti surok mar mar u la leit ban ai jing iarap.
Kane ka lynti surok ka dei kaba baroh ki nong shong shnong jong kane ka thain naduh ki khynnah skul, ki nong leit iing mane, ki nongrep bad ki nong leit nong wan ki ju iaid na kane ka lynti bad ki hap ban iaid lyngba ka ktieh khamtam ha ki por lyur. Kane ka lynti ka dei kaba donkam bha khamtam naka bynta ka Synod ka ban long ha kane ka shnong ha u bnai Lber jong u snem 2017, kumta u Bah B.L.Nongbri u la leit ban ai jing iarap ban siang ia kane ka surok da ki maw siang surok khnang ba kan pynaram bad pynsuk ia ki nong leit nong wan jong kane ka thain.