Ka SRHT kan pynkylla dur ia ki iing ha Nongkyndong, ong Bah Prestone

Shillong,
18 Rymphang:
U Myntri ka  tnad pynroi Nongkyndong u bah Tynsong u la ong ba ka Sustainable Rural Housing Technologies (SRHT) ka la wan ha ka por ba biang eh ha kane ka jylla  namar ba ka jylla Meghalaya ka donkam ban pynbha ia ka ioh ka kot ka jingim jong ki briew ha kane ka jaka rilum khamtam ha ki jaka nongkyndong.
Haba kren mynta ka sngi ha ka Workshop  halor ka phang ka buit shna iing kaba paka ha jaka nongkyndong ba long mynta ka sngi ha Shillong ha State Convention Centre, u la ong ba kane pro kram ka donkam ban shim ban peit ia ki jinglong jingman jong ki jaka ha kane ka thain haba shna dur ia ka rukom shna iing ha nongkyndong.
U la ong ruh ba kane ka prokram ka donkam ban kytiew ia ka ioh ka kot khamtam ha ki jaka nong kyndong.
Katba u Joint Secretary ka tnad pynroi nongkyndong jong ka ri u R Sadhanandan, u la ong ba ka skhim Indira Awaas Yojana ka thmu na ka bynta ban shna iing ia ki nongkyndong kiba duk. Halor kane u la kyntu ia ka tnad ka sorkar jylla ba kan wad ia ki buid kiba kham bha ha ka rukom shna iing ha ki jaka nongkyndong khnang ban ia ryngkat bad ki nong sor.
Kiwei pat kiba kren ha kane ka jingialang ki long ka Sashi Sudhir ka Programme Analyst ka United Nations Development Programme  bad ka  Gayatri Ratnam na ka Housing and Urban Development Corporation Limited (HUDCO). La donlang ruh u K N Kumar u  Principal Secretary ka C&RD, u Dr. B D R Tiwari u Additional Secretary ka (C&RD), ki Block Development Officers, ki Project Directors  bad kiwei kiwei de na ki block bad ki district.