Shillong:Ka ophis u Syiem ka Hima Sohra ka la kmen ia ka jingai nam ka Sorkar ia ka surok naduh Mawkdoh shaduh ophis Syiem Sohra ha ka kyrteng u Syiem Duwan Sing Syiem.
Ka sorkar jylla ka la ai nam ia ka Surok na Mawkdok shaduh ka ophis trei kam jong u Syiem kum ka Duwansing Syiem Road.
Halor kane, ka Hima ka kynmaw burom kyrpang ia une u Syiem ka Hima Sohra bad plie ia u maw teinam bad ai kyrteng ia u Syiem Duwansing Syiem.
La sakhi lang ha kane ka jingialang da u MLA ka Sohra u bah Gavin Mylliem, u MDC bah TW Chyne nalor u Syiem ka Hima Sohra u Paiem Freeman Syiem bad kiwei.
U MLA ka Sohra u pynpaw ia ka jingsngew nguh ia u Myntri Rangbah bad ia u Symbud Myntri Rangbah kiba la sngap ia ka jingkyrpad jong ka Hima Sohra ban ai kyrteng noh sha ka Duwansing Syiem Road ia kane ka Surok Shillong Sohra Road.
U la ong ruh ba ka soskular kaba u iasoi bad u David Scott ha kito ki por, ka la ailad ia ki missionary ban wan iuh kjat sha kane ka thaiñ bad lyngba kine ki missionary ka jingnang jingstad ka sdang ban saphriang ha ka thaiñ.
U la bynrap ba lyngba une u Syiem, la iohi ba um pyndonkam da ka waitlam hynrei da ka bor jabieng bad jop ia ka liang pyrshah.
La ioh ruh ia ka jingkren na u MDC uba pynpaw ia ka jingsngew sarong ba naduh mynta ka sngi la ioh ban pynsah nam ia u.
ngi pynrem jur ia kum u ne u Syiem u ba iapein ia la ka jong ka Riti ka Dustur Jaidbynriew ha kti ki Missionary Dohlieh..