Ka sorkar U Dr Mukul, shuwa ka elekshon ka sanction T.300 klur ban shna surok khlem pisa: Prestone

Shillong: U bah Prestone Tyngsong u ba long u Symbud myntri rangbah ka jylla u la iathuh ba shuwa ban pynbna ilekshon sha ka iing dorbar thawain ha ka jylla ka sorkar u Dr Mukul Sangma kala dep sanction haduh T.300 klur tyngka ban shna ia ki surok khlem da don pisa.

Haba kren ha ki lad pathai khubor u bah Prestone u la ong ban kynnoh ba kane ka sorkar kaba mynta ba kam shem la siew ia ki bill jong ki kontraktor ka long kaba bakla, kane ka sorkar ka la ialeh ban siew man la ka lai bnai ha ka dur jong ki running bill ia ki kontraktor.

La iathuh ba ka jingsah pisa ka PWD ha ki kontraktor ka la kot sha ka T.800 klur tyngka kynthup ia kaba la mang, ka ba la ai da u Dr Mukul ha ka por jinglong Myntri Rangbah ka jong u shibnai shuwa ka ilekshon kaba la kot sha ka T.300 klur tyngka.

Ia kane ka rukom mang pisa, la tip kum ka ‘Bank of Sanction’ ha kaba la pyntrei ia ki jingtrei khlem pisa ha kaba kane ka sorkar kaba mynta ka dang ia leh ban siew bad ban pynkhuid ia ki bill jong ki kontrator kaba la kot sha ka T.800 klur baroh.

“Ban kynnoh tang ia kane ka sorkar kaba mynta ka long ka bym don nongrim namar kum kine ki jingsah ki bill jong ki kontraktor ki juh sah na kawei ka sorkar sha kawei pat ia kaba ka sorkar ka hap ban siew ia kaei kaba ki kontraktor kila pyntrei” u la ong.