Ka sorkar pdeng ka ai pahuh ka pisa, ka sorkar kam lah pyndonkam, ong U Lat

Shillong, 09 Nohprah:
U Lat ka jylla Meghalaya u V Shanmuganathan u la ong ba ka Dong Mihngi ka donkam palat ia ki samla ban ioh ia ka kam ka jam. Haba kren mynta ka sngi kum u kongsan ha ka jingiathir halor ka phang ’25 Snem ka jingkylla ha ka khaii pateng ha India bad ka jingktah jongka ha Dong Mihngi India, u la ong ba ka long kaba donkam palat ban thaw ia ka kam ka jam ia ki samla jong kane ka Dong Mihngi.
“Ka Dong Mihngi ka donkam ki kam. Ki samla kane ka Dong Mihngi ki lah ban kren bha ha ka phareng bad ki lah ban trei kam da kaba suk”, la ong u Lat.
U la kyntu ia ki stad bad ki riew pule ban ai ia ki jingbuit ki lad kumno ban thaw ia ki kam ki jam ia ki samla kane ka dong mihngi.
Katba u president ka North East India Council for Social Science Research (NEICSSR), u Dr P.M. Passah u la ong ba kawei na ki daw ba kongsan ka khaii pateng ka ioh ka kot ka long ban pynduh ia ka jingbym ryntih ha ka ioh ka kot jong kane ka Dong Mihngi bad ki bynta ka ri India.
“Ka Dong Mihngi ka India ka long kum ka ryndang syiar bad ka met ka India bad ka donkam ban pyniair lada kane ka Dong ka donkam ban ioh ban ia kiwei pat kumba long sha kiwei ki bynta jong ka Inddia, ka donkam ban pynbha ia ki jingdonkam kum ka leit ka wan, ka lynti syngkieng bad ki lad pathai khubor”, u la ong u Dr Passah.
U la ong ba kane ka thain ka lah ban pynbha ia ka leit ka wan ka kit ka bah lyngba ki wah kum ka wah Brahmaputra ha Assam ban iasoh bad ka Ganga lyngba ka Uttarakhand, Uttar Pradesh, Bihar bad ka West Bengal.
“Ka roi ka par bad ka ioh ka kot jong ka Dong Mihngi kam da duna na kiwei hynrei ka donkam shibun ki jingduna namar ba ka dei ka Dong Mihngi ba bun ki riewlum”, u la ong.
“Lada kiwei ka jylla ha kane ka pdiang ia ka jingbei pisa nabar,ym don jingeh hynrei baroh kum kine dei ban shim ia ka jingpdiang jong ki trai jaka jong kane ka Dong Mihngi”,ula ong.
Hynrei ha kawei ka liang, u la ong ba bun bah ki jylla kane ka Dong Mihngi kim ju lah ban pyndonkam ia ka pisa ba la ai da ka sorkar pdeng. Kum ka nuksa, ka jingpyntreikam ia ka horticulture ka sorkar kam shym la lah ban pynlong kaba jop, wat la ka sorkar pdeng ka ai pisa pahuh.
Kane ka Dong Mihngi ka noh synniang 3.77 per cent ha ka GDP jong ka ri.