Ka sorkar NPP, ka dei kaba la shu sieh da ka BJP, ong U Mukul

Shillong:”Ka don kano kano kawei pat ka parti ha ka jylla, kaba long pyrshah ia ki (BJP)? Ha ki khep ki khep, la iohi, kumba ki ia kawang ktieh, iwei ia iwei pat, hynrei kim dei seh ki juh? Kaei ka sorkar NPP, kaba synshar ia ka jylla, ka dei ka sorkar, kaba la shu sieh, da ka seng BJP” ong U Mukul Sangma, haba kren sha ki kotkhubor mynta ka sngi.

U Sangma, u ong shuh shuh, ba ki heh BJP, ki tip shai, ba u paidlang jong ka jylla, un nym kyrshan satia, da lei lei, ia ka seng BJP bad kumta, ki la stad shi katdei bad ki la thaw ia ki seng trai ri bad mynta ki trei kam bha, lyngba kane ka jing ia suh buit jongki.