Shillong: U myntri ba dei peit ia ka tnad pynroi Sor, u bah Hamletson Dohling, u ong ba baroh u briew u lah ban kren ne ban pynpaw ia la ki jingsngew jong u bad lada ka party BJP kan rai ban mih ne ban neh ha ka Sorkar ruh ka dei ka jingjied jong ki hi.
Kane ka long hadien ba ka party BJP kaba donlang ha ka sorkar MDA ka la byrngem ban weng noh na ka sorkar, namar wat la ka party BJP ka ia don lang bad ka sorkar MDA hynrei ha JHADC bad GHADC ki khlem kynthup ia ki MDC jong ka Party BJP bad ki la kynnoh ruh ba kane ka pynpaw ba ka Sorkar MDA kaba la ialam da ka NPP, kam shem la burom ia ka party BJP.
U bah Hamletson u la ong ruh ba ka jingphah ban kynthup lang ia ki MDC jong ka BJP ha ka EC ha JHADC, ka dei ka kampohing jong ka JHADC bad na ka liang ka Sorkar jylla kam kwah ban tuklar ia ka kam jong ki District Council bad ula ong shuh shuh ba ban kynthup iano ha ka EC, ka shong ha ka jingsngewthuh jong ki hi.
Phi don ban ong eiei?